14 qershor, 2021 – Presidenti Agim Ademi bashkë me nënkryetarin Agim Dibranin, sot pritën në takim Dion Ajvazin, futbollistin me prejardhje nga Kosova i cili karrierën e tij po e zhvillon në Gjermani.

17-vjeçari, i cili aktualisht luan te Hertha BSC U17, i është përgjigjur pozitivisht Kosovës.

Mesfushori Ajvazi shumë shpejtë do t’i bashkohet Kombëtares U19 për të dhënë kontributin e tij në fushën e blertë.

Dioni u shpreh i lumtur që do t’i bashkohet Kosovës dhe shprehu gatishmërinë për të dhënë maksimumin.

Presidenti Ademi në shenjë mirëseardhjeje i dhuroi fanellën e re të Kosovës dhe i uroi shumë suksese.

FFK edhe më tej vazhdon të interesohet për talentet e saj jashtë kufijve, teksa për angazhimin e Dionit me Kosovën, por edhe për shumë talente tjera është përkujdesur ish-futbollisti dhe veprimtari kosovar që jeton në Gjermani, Fekmi Kongjeli, i cili është përfaqësues i FFK-së. Qëllimi mbetet i njëjtë, t’i bashkojë të gjithë ata që zemra u rrahë për Kosovën dhe që ndër prioritetet e tyre është kontributi për fanellën dardane.