28 shtator, 2020 – Federata e Futbollit e Kosovës do të organizojë Kursin e katërt për trajner të portierëve. Kursi do të mbahet online përmes platformës EduBreak dhe Zoom, ndërkaq pjesa e praktikës në fushë gjatë këtyre datave:
- 22 Tetor 2020
- 23 Tetor 2020
- 30 Tetor 2020
- 31 Tetor 2020
Kursi do të përfshijë këto tema:
- Portieri në futbollin modern & aftësitë e nevojshme
- Pozicionimi i portierit
- Teknikat bazike të portierit
- Referenca të veçanta për ndërtimin dhe hapjen e lojës se sulmit
- Si ta ushtrojmë (stërvitim) portierin në trajning ekipor
- Shembuj të trajningut të portierëve
- Bazat e organizimit të trajningut për portier
- Punë praktike grupore
Kursi është i dizajnuar për trajnerë qe nuk kanë shumë eksperiencë ose dëshirojnë t’i përmirësojnë aftësitë e tyre.
Ata që janë të interesuar ose planifikojnë të ushtrojnë punën e trajnerit të portierëve, trajnerët të cilët punojnë me të rinj ose senior.
Gjithashtu ky kurs është i planifikuar për trajnerët që kanë përfunduar Licencën C, paraprakisht dhe i nevojitet edukim shtesë për vazhdimin e validitetit të Licencës C.
Të gjithë ata që dëshirojnë të jenë pjesë e këtij kursi, duhet të kenë aftësi të mira kompjuterike dhe të kenë lidhje stabile në internet. Pjesëmarrja është e obligueshme 100%.
Trajnerët e interesuar janë të obliguar të aplikojnë deri më 15.10.2020 në zyrat e Federatës e Futbollit e Kosovës te Sanije Krasniqi (FFK Grassroots Manager) ose Lorik Fazlija (Coaching Education Administrator):
lorikfazlija@ffk-kosova.com
Në total numri i të pranuarve në këtë kurs do të jetë 15. Aplikimet e mëvonshme dhe të pakompletuara nuk do të merren në konsideratë.
