|
U mbyll kampi i dytė i Pėrfaqėsueses |
|
|
2009-11-15
Sot është përmbyllur kampi i Përfaqësueses “A”, ku për tri ditë përzgjedhësi Albert Bunjaki me bashkëpunëtorët e tij, me përpikëri zbatuan programin stërvitor të paraparë për këtë kamp, me futbollistët e ftuar për këtë qëllim.
Në fokus të këtyre seancave stërvitore sipas një programi bashkëkohor të përzgjedhësit Bunjaki, ishin në radhë të parë pasimet dhe pranimet e shpejta të topit, loja sulmuese, por edhe ajo në mbrojtje. Janë aplikuar dhe analizuar sistemet 4-3-3 dhe 4-3-2-1 me përparësitë dhe mangësitë që kanë këto sisteme, duke u futur në debat edhe vet futbollistët. Në ditën e dytë është mbajtur edhe një këshillim mjaft domethënës me trajnerë të skuadrave elite dhe të ligës së parë që për tema bosht kanë qenë: Intensiviteti i lojës në futboll, rëndësia e testimeve fizike si dhe si të rritet intensiteti i lojës në ligat e Kosovës, si dhe ushtrimet e fuqisë fizike. Po ashtu është mbajtur takim edhe me përgjegjësit (trajnerët) rajonal që do të bëjnë përzgjedhjen e futbollistëve U-15 që është një hap drejt krijimit të Përfaqësueses U-15 të Kosovës. Përzgjedhësi Bunjaki dhe bashkëpunëtorët e tij pas përfundimit të kampit janë shprehur mjaft të kënaqur me punën, disiplinën dhe vullnetin e futbollistëve për punë dhe për të qenë pjesë e Përfaqësueses së Kosovës. Në janar do të bëhen testet fizike për të gjithë të ftuarit në kampin e tetorit dhe të nëntorit, por edhe të tjerëve që përzgjedhësi mendon se mund të jenë pjesë e Përfaqësueses. Në përmbyllje të kampit shtabin teknik dhe futbollistët e Përfaqësueses së Kosovës ia ka përshëndetur edhe kryetari i FFK-së, z. Fadil Vokrri.
|
Rezultatet dhe tabelat | | Liga 2 - Grupi A | Liga 2 - Grupi B | | Liga 1 Juniorët |
|
Informacion rreth FFK-sė| Kryetar: | Fadil Vokrri | | Sek. i përgj.: | Eroll Salihu | | Përzgjedhës: | Albert Bunjaki | | Viti i Krijimit: | 1948 | | Adresa: | Rruga "Agim Ramadani" nr 45, Prishtinë. | Phone:
Fax: | 038 22 62 23
038 22 62 25 | | E-mail: |
This email address is being protected from spam bots, you need Javascript enabled to view it
| 
|
|
|
