Më datën 15 shkurt 2010 pritet që të gjitha rajonet të krijojnë edhe listën e parë me nga 18 lojtarë që do jetë përfaqësuesja rajonale dhe ku do të fillojnë aktivitetet garuese ndërmjet 7 rajoneve. Më datë 17-20 qershor 2010 do të mbahet kampi Kombëtar edukativ U-15 në Prishtinë në të cilin do të tubohen 144 lojtarë dhe 24 liderë nga të gjitha rajonet ku dhe do të zhvillohen gjithsej 8 lojë dhe finalja e madhe (direkt në TV). Kështu që në fund do të zgjidhet përfaqësuesja e parë U-15 e Kosovës. Në seleksionimin e lojtarëve përveç trajnerëve rajonal do të  marrin pjesë edhe trajnerët e elitës, trajnerët e Përfaqësueses “A” dhe instruktorë nga Federata suedeze. Kampi Kombëtar edukativ do të shfrytëzohet edhe për edukim të lojtarëve, gjyqtarëve te rinj, trajnerëve, mjekësisë sportive. Ky tubim kombëtar po ashtu do të përkrahet me instruktorë dhe ligjërues edhe nga Federata Suedeze dhe projekti Suedez "Sport for All".