Përzgjedhja e trajnerëve regjional 2010-2011
Përzgjedhja e trajnerëve regjional duhet të bëhet nga lidhjet regjionale deri me datën 1 shtator. Trajnerët duhet të kenë përvojë pune me grupmoshat e reja dhe duhet të jenë nën moshën 40-vjeçare. Në përzgjedhjen e 3 trajnerëve të rinj duhet së paku të jetë një trajner që ishte në tubimet e kampingut 2010 (për të mbajtur kontinuitetin e punës).
 
Seleksionimi i lojtarëve 14 vjeçar gjatë vjeshtës 2010
Seleksionimi i lojtarëve në regjione do të bëhet nga klubet e tyre, ku çdo klub në regjion duhet të dërgoj 3 deri në 5 lojtarë në tubimin regjional. Lojtarët duhet të jenë në moshën 14-vjeçare, pra të lindur në vitin 1996. Dita e fundit e dërgimit të listës së lojtarëve në lidhjet regjionale dhe tek trajnerët e zgjedhur është 1 shtator 2010. Numri i lojtarëve në tubime duhet të jetë mes 40-60 lojtarë për regjion. 
 
Tubimet e lojtarëve regjional në regjionet e tyre
Tubimet e lojtarëve regjional të grupmoshës 14 vjeçare fillojnë më 18-25 shtator 2010! Për informim më të gjerë kontaktoni trajnerët regjional të U-15.
 
Lista e parë e 18 lojtarëve nga regjionet
Lista e parë e Përfaqësueses regjionale duhet të jetë e gatshme më 15 shkurt 2010. Lista duhet të dërgohet në FFK.
 
Ndeshjet ndërmjet regjioneve
Ndeshjet miqësore ndërmjet regjioneve duhet të fillojnë të luhen nga muaji mars-prill 2011. Ndeshjet ndërmjet janë pa pikë dhe nuk luhen në formë lige, por janë të aspektit miqësor. Çdo përfaqësuese regjionale duhet të ketë të paktën 1-2 ndeshje në muaj deri në tubimin e 7-11 korrikut 2011. 

KAMPINGU EDUKATIV NACIONAL 07-11 KORRIK 2011
Kampingu Edukativ Nacional i Elitës U-15 do të mbahet nga data 7-11 korrik në Prishtinë. Pjesëmarrës do të jenë 7 regjionet e Kosovës  si dhe ekipi i 8 që është i përbërë nga lojtarë të kombinuar nga të gjitha regjionet e Kosovës. Në kamping do të mbahet edhe seminari i trajnerëve të Superligës dhe Ligës së parë, fizeoterapeutëve të Superligës dhe seminari i gjyqtarëve. Informim më të gjerë do t’u japim gjatë fillimvitit 2011.