9 mars, 2018 – Në vazhdën e përgatitjeve të garave në futsall, Komisioni i Gjyqtarëve sot mbajtur testet fizike në përputhje me normat e FIFA-s për gjyqtarë të futsallit, për të vlerësuar nivelin e përgatitjes fizike të gjyqtarëve para fillimit të stinorit pranveror. Kjo është hera e dytë që këta gjyqtarë vlerësohen dhe testohen në bazë të testeve zyrtare të FIFA-s dhe komisioni në përgjithësi është i kënaqur me rezultatet, duke konstatuar dhe konsideruar se gjyqtarët janë të gatshëm dhe të përgatitur mirë për fillimin e garave. Mirëpo, për t’i arritur objektivat dhe synimet e tyre të plota nga gjyqtarët kërkohet punë edhe me intensive, ndërkaq që përkrahja do të jetë e vazhdueshme nga Komisioni i Gjyqtarëve me seminare që do të organizohen në të ardhmen. Testet fizike u kryen nën përkujdesjen dhe mbikëqyrjen e kryetarit të gjyqtarëve z. Përparim Hasani dhe bashkëpunëtorëve të tij, duke theksuar edhe njëherë përkushtimin e Komisionit për edukimin dhe përsosjen profesionale të gjyqtarëve si segment tejet me rëndësi për mbarëvajtjen e garave.

Post Views: 23