Komisioni i Garave i Superligës dhe Ligës së Parë në mbledhjen e mbajtur me 04.04.2023, ka diskutuar për regjistrimin e ndeshjeve të xhiros së 27-të të Albi Mall Superligës dhe ndeshjeve të xhiros së 20-të të Viva Fresh Ligës së Parë, Grupi A dhe Grupi B në futboll për edicionin 2022/2023. Pas shqyrtimit komplet të materialit të siguruar nga zyrtarët e ndeshjeve, bazuar në nenin 70 të Rregullores së Garave, si dhe dispozitave të Rregullores Disiplinore, mori këto:
V E N D I M E
1.Regjistrohen ndeshjet e xhiros së 27-të të Albi Mall Superligës dhe ndeshjet e xhiros së 20-të të Viva Fresh Ligës së Parë, Grupi A dhe Grupi B në futboll për edicionin 2022/2023, me rezultatet e arritura në fushë, me përjashtim të ndeshjes Fushë Kosova – Ulpiana të cilën KG e regjistroi me rezultat zyrtar 3:0 në favor të KF “Fushë Kosova“.
2.Bazuar në raportet e delegatëve, kontrollorëve, zyrtarëve të FFK-së si dhe të dhënat nga protokollet zyrtare të ndeshjeve, lidhur me rregullsinë e fillimit, zhvillimit dhe përfundimit të ndeshjeve, Komisioni i Garave pas administrimit të të gjitha materialeve dhe shkresave të prezantuara, incizimeve televizive, raporteve të personave zyrtarë të FFK-së si dhe mediave vendosi për:
Inicime disiplinore:
Ndaj: Lojtarit të FC ”Phoenix”, Amir Prishtina nr fanelle 23 dhe nr ID 001193M94. Motivi: Ndërhyrje e palejueshme si lojtar i fundit për çka ndëshkohet me karton të kuq direkt. Sipas protokollit zyrtar të ndeshjes Feronikeli 74 – Phoenix.
Ndaj: Lojtarit të FC ”Ulpiana”, Ardian Musliu nr fanelle 2 dhe nr ID 00174M97 . Motivi: Aktivizohet në lojë edhe pse ishte paraprakisht i ndëshkuar me katër kartonë të verdhë (nuk kishte drejt loje). Sipas protokollit zyrtar të ndeshjes Fushë Kosova – Ulpiana.
Ndaj: FC ”Ulpiana”. Motivi: Aktivizon në lojë lojtarin me nr fanelle 2 Ardian Musliu dhe nr ID 00174M97. Lojtari kishte paraprakisht katër kartonë të verdhë dhe nuk kishte të drejt loje. Sipas protokollit zyrtar të ndeshjes Fushë Kosova – Ulpiana.
Ndaj: Lojtarit të FC ”Drenica”, Agim Zeka nr fanelle 28 dhe nr ID 024459M98. Motivi: Në min e 36-të ndërhyn ashpër ndaj lojtarit kundërshtar për çka ndëshkohet me karton të kuq direkt. Sipas raportit të gjyqtarit kryesor të ndeshjes Drita – Drenica.
Këshilla juridike:
Pala e pakënaqur ka të drejtën e kundërshtimit në inicime-raporte/ankesës në vendimet të Komisioni Disiplinori FFK –së / Komisioni i Apelit i FFK-së, në afatin prej 3 ditësh nga publikimi i këtij Inicimi/vendimi në faqen zyrtare të FFK-së apo datës së dërgimit në emailin e klubit.
Komisioni i Garave i FFK-së
Abdyl Bellopoja, kryetar
Prishtinë 04.04.2023