Federata e Futbollit e Kosovës do të organizojë Kursin e parë për trajnerë të portierëve “FFK – Licenca C”. Kursi do të mbahet nga 15 deri më 19 qershor 2019, në Banjë të Pejës, në Istog.
Aplikantët e interesuar duhet të kenë të përfunduar “Kursin D të Portierëve”.
Përmbajtja e këtij kursi do të jetë:
- Përsëritja e teknikave bazike
- Pozicionimit bazik
- Ndërtimi i aksionit i detajuar,
- Teknikat e detajuara të mbrojtjes së goditjeve,
- Situata 1v1 në teknikë dhe taktikë,
- Mbrojtja e hapësirës,
- Video analizë e stërvitjes dhe ndeshjes,
- Struktura periodike e një stërvitje të portierëve,
- Stërvitje të përshtatur në moshë.
Fundi i kursit do të përmbyllet me një provim praktik.
Të interesuarit për aplikim duhet të kenë dokumentet e kompletuara si vijon: Aplikiacionin, Certifikatën Mjekësore (e lëshuar në QKMF), Certifikatë që nuk jeni Nën-Hetime, Diplomë e Shkollës Mesme apo Fakultetit, 2 Foto.
Çmimi për kurs do të jetë 150 €.
Të gjithë të interesuarit mund të dorëzojnë aplikimet online ose të paraqesin dokumentet në FFK deri më 10.06.2019 te:
Sanije Krasniqi (FFK Grassroots Manager)
sanijekrasniqi@ffk-kosova.com
Lorik Fazlija (Coaching Education Officer)
lorikfazlija@ffk-kosova.com
Në total 24 do të jetë numri i të pranuarve në kurs. Aplikacionet e pa-kompletuara nuk do të merren parasysh.