Duke përdorur faqen tonë të internetit, ju pranoni përdorimin e "cookies".
By using our website, you agree to the use of our cookies.

Historiku i FFK-së

Federata e Futbollit e Kosovës u themelua si institucion i pavarur i Republikës së Kosovës, më 20 gusht të vitit 1991, në një periudhë shumë të vështirë, kur vendi ishte okupuar nga regjimi i egër serbo-sllav. Futbolli në Kosovë para kësaj date ishte zhvilluar nën organizimin e Lidhjes së Futbollit të Kosovës, që ishte pjesë e barabartë me Lidhjet e tjera të Futbollit në Federatën e Jugosllavisë dhe që funksiononte që nga viti 1948. Por, periudha e shpërbërjes së Jugosllavisë me nisjen e luftës në fillim vitet e 90-ta dhe instalimi i masave të dhunshme nga Serbia në çdo lëmi të jetës në Kosovë, e goditi edhe futbollin, kur nga stadiumet u dëbuan të gjitha ekipet shqiptare. Të ndodhur në një situatë okupuese e përjashtuese, në gusht të vitit 1991 njerëzit e futbollit në Kosovë vendosën që përkundër rrethanave të vështira ta ndërmarrin hapin e guximshëm – themelimin e Federatës së Futbollit të Kosovës dhe fillimin e garave në tërë vendin, ndonëse në pa mundësi të shfrytëzimit të stadiumeve të futbollit, në të cilat ishin instaluar klubet serbe. Kuvendi konstituiv i FFK-së, të cilit i paraprinë shumë takime sensibilizuese nëpër qytete të ndryshme, u mbajt në shkollën fillore “Asim Vokshi” në lagjen Kodra e Trimave në Prishtinë, derisa drejtimin e këtij institucioni me vota unanime të delegatëve e mori punëtori i dalluar sportiv nga Prizreni, Agim Bytyqi. Ndërkohë, vetëm disa javë më vonë, saktësisht më 13 shtator, filloi edhe kampionati i parë i futbollit të pavarur të Kosovës, me ndeshjen ndërmjet dy rivalëve të kryeqytetit, Flamurtarit dhe Prishtinës.

Liga e parë e Kosovës në kampionatin e parë numëronte 20 skuadra, ndërsa ligat tjera varësisht nga Regjionet, por ndeshjet luheshin në kushte shumë të vështira nëpër fusha të improvizuara, ku shumë familje i kishin dhuruar tokat e tyre për t’i shndërruar në fusha futbolli, vetëm e vetëm që futbolli të luhej dhe të rinjtë ta zhvillonin talentin e tyre. Edhe në këto rrethana futbolli luhej sipas rregullave të UEFA-s dhe FIFA-s, dhe çdo ndryshim i rregullave të tyre menjëherë aplikohej në sistemin e garave tona.

Gjatë kësaj periudhe maltretimet, burgosjet, rrahjet ndaj zyrtarëve, trajnerëve dhe futbollistëve nga pushtuesi serb ishin të pranishme po thuajse çdo javë, por motivi për të vazhduar tutje ishte i madh, ngase të gjithë besonin se herët a vonë kjo sakrificë dhe rezistencë ndaj pushtuesit do të sillte ditë të mira për futbollin në Kosovë. Garat në kushte të tilla vazhduan deri në janar të vitit 1998, kur filloi lufta në Kosovë dhe kur shumë futbollistë u rreshtuan në UÇK në misionin e çlirimit të vendit. Si rrjedhojë u ndal çdo aktivitet deri pas çlirimit të vendit.

Menjëherë pas përfundimit të luftës në Kosovë më 1999, Federata e Futbollit e Kosovës u riorganizua me të gjitha organet e saj, derisa klubet u rikthyen në objektet e stadiumeve, të cilat ishin në gjendje të mjerë për shkak të mos investimeve për thuajse një dekadë nga okupuesit. Futbolli në vitet e para të pasluftës ishte në ekspansion, por më pas pamundësia për t’u anëtarësuar në UEFA e FIFA dhe shpenzimi i madh i donatorëve për t’i mbajtur klubet bëri që futbolli shpeshherë të kalojë në faza të vështira të mbijetesës.

Megjithatë, pas shumë peripecive, sakrificave të shumë gjeneratave, në fund Federata e Futbollit e Kosovës, më 3 maj të vitit 2016 arriti ta finalizojë misionin e nisur më 20 gusht të vitit 1991, duke u  anëtarësuar në UEFA, derisa më pas më 13 maj të njëjtit vit u anëtarësua edhe në FIFA. Kjo periudhë vlerësohet edhe si më e rëndësishmja për FFK-në, pasi nga këtu mori hov zhvillimi i mëtejmë i futbollit të Kosovës në të gjitha aspektet. Kombëtarja e Kosovës u bë pjesë e kualifikimeve për Evropian dhe Botëror, derisa klubet kosovare filluan garimin në kupat evropiane, që ishte ëndrra e të gjithë atyre që ishin pjesë dhe kontribuuan për futbollin e Kosovës.

Kryesia e parë e FFK-së – 20.08.1991
1.Agim Bytyqi, kryetar
2.Hamdi Tovërlani, nënkryetar
3.Gafurr Kabashi, nënkryetar
4.Xhafer Morina, anëtar
5.Jakup Berisha, anëtar
6.Bajra Bardhi, anëtar
7.Bedri Hamza, anëtar
8.Beqir Aliu, anëtar
9.Ferat Qorri, anëtar
10.Enver Nuredini, anëtar
11.Ajet Shosholli, anëtar
12.Shinasi Berisha, anëtar
13.Arbnor Morina, anëtar
14.Shpëtim Kuqi, anëtar
15.Bajram Zeqiri, anëtar
16.Skender Selmani, anëtar
17.Haki Loci, anëtar
18.Sejdi Mërkoja, sekretar

Kuvendi i dytë – Kryesia e FFK-së: 22.08.1994
1.Rexhep Abdullahu, kryetar
2.Arsim Spahiu
3.Luan Prekazi
4.Jashar Peci
5.Faruk Domi
6.Qemajl Nallbani
7.Sami Ahmeti
8.Halil Kika
9.Jakup Berisha
10.Ismet Shurdhani
11.Flamur Vala
12.Ali Shkreli, sekretar

Kryesia e FFK-së – 2000
1.Sabri Hashani, kryetar
2.Adem Çollakaj, nënkryetar
3.Afërditë Fazlija, nënkryetare
4.Haki Demolli
5.Blerim Vula
6.Hamdi Govori
7.Agim Elshani
8.Tasin Pajaziti
9.Skender Ramadani
10.Refik Hydaverdi
11.Naim Besimi
12.Nazmi Kelmendi
13.Ismajl Kosumi
14.Hidajete Beqiri

Kryesia e FFK-së – 2004
1.Sabri Hashani, kryetar
2. Haki Demolli, nënkryetar
3.Agim Ademi, nënkryetar
4. Hidajete Beqiri
5. Naser Rexhepi
6.Luan Prekazi
7. Hysen Gashi
8.Skender Berisha
9.Skender Morina
10. Refik Hydaverdi
11.Maliq Lushaku
12.Nazmi Kelmendi
13.Ismajl Kosumi
14.Isuf Ajeti
15.Isë Govori
16.Blerim Vula, sekretar i përgjithshëm

Kryesia e FFK-së – 2006
1.Sabri Hashani, kryetar
2.Agim Ademi, nënkryetar
3.Haki Demolli nënkryetar
4.Xhelal Broja
5.Agim Maloku
6.Luan Vokshi
7.Shemsedin Muhaxheri
8.Iljaz Mjaku
9.Murat Hoxha
10.Mehmet Shkreli
11.Isa Govori
12.Eroll Salihu, sekretar i përgjithshëm

Komiteti Ekzekutiv i FFK-së – 2008
1.Fadil Vokrri, kryetar
2.Agim Ademi, nënkryetar
3.Bekim Haxhiu, nënkryetar
4.Predrag Joviq, nënkryetar
5.Agim Maloku
6.Luan Vokshi
7.Vjollcë Krasniqi
8.Xhelal Broja
9.Murat Hoxha
10.Iljaz Mjaku
11.Fisnik Ademi
12.Bakir Burri
13.Eroll Salihu, sekretar i përgjithshëm

Komiteti Ekzekutiv i FFK-së – 2012
1.Fadil Vokrri, kryetar
2.Agim Ademi, nënkryetar
3.Bekim Haxhiu, nënkryetar
4.Predrag Joviq, nënkryetar
5.Agim Maloku
6.Luan Vokshi
7.Vjollcë Krasniqi
8.Xhelal Broja
9.Murat Hoxha
10.Iljaz Mjaku
11.Bakir Burri
12.Flamur Bunjaku
-Eroll Salihu, sekretar i përgjithshëm

Komiteti Ekzekutiv i FFK-së – 2016
1.Fadil Vokrri, kryetar
2.Agim Ademi, nënkryetar
3.Bekim Haxhiu, nënkryetar (dha dorëheqje disa muaj më vonë për shkak të angazhimeve politike)
4.Predrag Jovic, nënkryetar
5.Vjollca Krasniqi, anëtare
6.Xhelal Broja, anëtar
7.Bakir Burri, anëtar
8.Agim Maloku, anëtar
9.Murat Hoxha, anëtar (dha dorëheqje disa muaj më vonë për shkak të angazhimeve politike)
10.Ilaz Mjaku, anëtar
11.Luan Vokshi, anëtar
12.Flamur Bunjaku, anëtar
-Agron Mustafa, anëtar
-Bekim Rexhepi, anëtar (u zgjodh pas dorëheqjes së Murat Hoxhës)
-Mirsad Çollaku, anëtar (u zgjodh pas vdekjes së Agim Malokut)
-Eroll Salihu, sekretar i përgjithshëm

Komiteti Ekzekutiv i FFK-së 2018
1.Agim Ademi, kryetar
2.Bakir Burri, nënkryetar
3.Agim Dibrani, nënkryetar
4.Predrag Jovic, nënkryetar
5.Vjollca Krasniqi, anëtar
6.Xhelal Broja, anëtar
7.Ilaz Mjaku, anëtar
8.Mirsad Çollaku, anëtar
9.Flamur Bunjaku, anëtar
10.Naser Ajeti, anëtar
11.Agim Nura, anëtar
12.Ismajl Ajeti, anëtar
– Eroll Salihu, sekretar i përgjithshëm (nga korriku 2021, Taulant Hodaj, UD sekretar i përgjithshëm)

Kampionët e Kosovës nga viti 1991:

1991-92 Prishtina

1992-93 Trepça

1993-94 Dukagjini (Klinë)

1994-95 Liria

1995-96 Prishtina

1996-97 Prishtina

1997-98 Kampionati, për shkak të luftës, ndërpritet pas përfundimit të stinorit vjeshtor

1998-99 Për shkak të luftës, kampionati nuk u zhvillua fare.

1999-2000 Prishtina

2000-01 Prishtina

2001-02 Besiana

2002-03 Drita (Gjilan)

2003-04 Prishtina

2004-05 Besa (Pejë)

2005-06 Besa

2006-07 Besa

2007-08 Prishtina

2008-09 Prishtina

2009-10 Trepça

2010-11 Hysi

2011-12 Prishtina

2012-13 Prishtina

2013-14 Llamkos Kosova

2014-15 Feronikeli

2015-16 Feronikeli

2016-17 Trepça’89

2017-18 Drita

2018-19 Feronikeli

2019-20 Drita

2020-21 Prishtina

 

Fituesit e Kupës së Kosovës që nga mëvetësimi

1991/92: Trepça (pa lojë)

1992/93: Flamurtari (në finale e mundi Trepçën 1:0)

1993/94: Prishtina (në finale e mundi Vëllaznimin 2:1)

1994/95: Prishtina (në finale e mundi Dukagjinin 1:0)

1995/96: Flamurtari (në finale e mundi Dukagjinin 2:1)

1996/97: 2 Korriku (pa lojë, Gjilani nuk u paraqit)

1999/00: Gjilani (në finale e mundi Besianën 1:0)

2000/01: Drita (në finale e mundi Gjilanin 1:1 – 6:5 pen)

2001/02: Besiana (në finale e mundi Gjilanin 2:1)

2002/03: KEK-u (në finale e mundi Prishtinën 3:1)

2003/04: Kosova Pr.(në finale e mundi Besën 1:0)

2004/05: Besa (në finale e mundi KEK-un 3:2)

2005/06: Prishtina (në finale e mundi Drenicën 1:1 – 5:4 pen)

2006/07: Liria (në finale e mundi Flamurtarin 0:0 – 3:0 pen)

2007/08: Vëllaznimi (në finale e mundi Trepçën’89 2:0

2008/09: Hysi (në finale e mundi Prishtinën 2:1)

2009/10: Liria (në finale e mundi Vëllaznimin 2:1)

2010/11: Besa (në finale e mundi Prishtinën 2:1)

2011/12: Trepça ’89 (në finale e mundi Ferizajn 3:0)

2012/13: Prishtina (në finale e mundi Ferizajn 1:1 – 4:3 pen)

2013/14: Feronikeli (në finale e mundi Hajvalinë 2:1)

2014/15: Feronikeli (në finale e mundi Trepçën’89 1:1 – 5:4 pen)

2015/16: Prishtina (në finale e mundi Dritën 2:1)

2016/17 Besa (në finale e mundi Llapin 1:1 – 4:2 pen)

2017/18 Prishtina (në finale e mundi Vëllaznimin 1:1 – 5:4 pen)

2018/19 Feronikeli (në finale e mundi Trepçën’89   5:1)

2019/20 Prishtina (në finale e mundi Ballkanin 1:0)

2020/21 Llapi (në finale e mundi Dukagjinin 1:1 – pen. 4:3)

Historiku i shkurtër i futbollit në Kosovë 1919-1991

Topi i parë i futbollit në Kosovë mendohet se është sjellë nga një student i Grenoblit më 1919, por burime tjera japin një version se më 1914 është zhvilluar ndeshja e parë e futbollit në Kosovë, ku kanë luajtur Austro-Hungarezët, të cilët kanë shërbyer në atë kohë në vendin tonë.

Ndërkohë, klubet e para janë formuar në vitin 1922 në Gjakovë dhe në Prishtinë, e më pastaj kanë filluar të formohen klubet edhe në qytetet e tjera.

Garat nuk kanë qenë të rregullta për arsye të situatës jostabile që ka mbretëruar në atë periudhë.

Pas luftës së dytë Botërore, Kosova mbeti pjesë përbërëse e Jugosllavisë dhe rifilloi rindërtimi i vendit pas luftës, e me këtë përparoi në mënyrë të shpejtë edhe futbolli kosovar, kur në vitin 1948 u formua Lidhja e Futbollit të Kosovës, që vepronte si degë e Federatës së Futbollit të Jugosllavisë. Në Ligën e parë jugosllave garuan Prishtina dhe Trepça, derisa Liga e dytë federative vazhdimisht kishte nga 3-4 klube kosovare. Në këto dy liga Federative garonin klubet nga Sllovenia, Kroacia, Bosnja e Hercegovina, Serbia, Mali i Zi,Vojvodina, Kosova dhe Maqedonia.

Kosova po ashtu e kishte edhe ligën e vet të parë, ku skuadra kampione kalonte direkt në Ligën e dytë jugosllave, si dhe kishte edhe Ligën e dytë dhe të tretë.

Kampionët e Ligës së Kosovës nga viti 1945 (në këtë rang të garave nuk bënin pjesë klubet më të mira kosovare, pasi ato garonin në ligat federative):

1945 Jedinstvo (Prishtinë)

1946 Jedinstvo

1947 Trepça (Mitrovicë)

1947-48 Proleteri (Prishtinë)

1948-49 Trepça

1950 Trepça

1951 Kosova (Prishtinë)

1952 Trepça

1953-54 Kosova

1954-55 Trepça

1955-56 Rudari (Stantërg)

1956-57 Rudniku (Hajvali)

1957-58 Rudari

1958-59 Prishtina

1959-60 Rudari

1960-61 Prishtina

1961-62 Buduqnosti (Pejë)

1962-63 C.Zvezda (Gjilan)

1963-64 Slloga (Lipjan)

1964-65 Slloga

1965-66 Buduqnosti

1966-67 Obiliqi (Kastriot)

1967-68 Vëllaznimi(Gjakovë)

1968-69 Vëllaznimi

1969-70 Vëllaznimi

1970-71 Vëllaznimi

1971-72 Obiliqi

1972-73 Fushë-Kosova

1973-74 Vëllaznimi

1974-75 Liria (Prizren)

1975-76 KXEK Kosova (Kastriot)

1976-77 Prishtina

1977-78 Buduqnosti

1978-79 Prishtina

1979-80 Vëllaznimi

1980-81 Liria

1981-82 Vëllaznimi

1982-83 KNI ”Ramiz Sadiku” (Prishtinë)

1983-84 Liria

1984-85 C.Zvezda

1985-86 Vëllaznimi

1986-87 Liria

1987-88 C.Zvezda

1988-89 Buduqnosti

1989-90 Vëllaznimi

1990-91 Fushë-Kosova

 

P