11 maj, 2024 – KF Shqiponjat nga kryeqyteti është anëtare e re e Ligës së Dytë të Kosovës. Në ndeshjen e barazhit të Ligës së Tretë – Regjioni i Prishtinës, që u zhvillua të premten, në stadiumin “Zahir Pajaziti” në Podujevë, KF Shqiponjat shënuan fitore bindëse ndaj KF Mati, me rezultat 4:0. FFK edhe sivjet mundësoi që kjo ndeshje të luhet me sistemin VAR, duke bërë kësisoj që ndeshjet e tilla të rëndësishme të jenë nën monitorimin e teknologjisë së avancuar pavarësisht rangut garues. Presidenti Agim Ademi në emër të KE të FFK-së e ka përgëzuar KF Shqiponjat për suksesin e arritur dhe i ka dëshiruar organizim edhe më të mirë në edicionin e ri dhe suksese në Ligën e Dytë, derisa ka përgëzuar edhe strukturën e Lidhjes Rajonale të Futbollit të Prishtinës për organizimin e garave në këtë edicion.