10 shtator, 2017 – Kombëtarja U-19 femrat sot paradite mbajti seancën e parë stërvitore, sikur që edhe pasdite seancën e dytë, ku përzgjedhësi Kushtrim Munishi bashkë me shtabin teknik u përqendruan në lojën tekniko-taktike në mbrojtje dhe sulm. Atmosfera në ekipin kombëtar është e mirë dhe vashat po punojnë me zell të madh. Ndërkaq, gjendja shëndetësore e vajzave sipas fjalëve të mjekut të ekipit dr.Milazim Gjocaj është e mirë. Nesër Kombëtarja do të mbajë stërvitjen e fundit para ndeshjes së të martës kundër Gjermanisë. Ndërsa, disa nga futbollistet dhe trajneri Megzon Viksoka deklaruan:
Megzon Visoka , trajner
Sot kemi pasur në stërvitje me theks kryesisht taktik duke ushtruar shumë situata në lojë. E dimë që kemi një kundërshtar jashtëzakonisht të fortë, por ne do të përgatisim strategjinë tonë në mënyrë që me sukses të i kundërvihemi Kombëtares gjermane.
 
 
Kaltrina Biçkaj, futbolliste
E dimë që do të jetë e vështirë sepse kjo është hera e parë që po marrim pjesë në ndeshjet ë para kualifikuese për Kampionatin evropian, Por ne kemi punuar maksimalisht dhe mjaft mirë këta muajt e fundit dhe besoj se do të kemi një paraqitje të mirë e me rezultat pozitiv.
 
 
Aurora Behluli, futbolliste
Në stërvitjen e sotme punuam disa situata tekniko-taktike, në ruajtjen e topit si dhe të shënojmë gola. Shpresoj që do të angazhohemi edhe më shumë për të arritur rezultate të mira në këto ndeshje. Kemi një atmosferë të mirlë pune.

Post Views: 34