Omani do ta mbështesë FFK-në në realizimin e synimeve 

Sonte më 6 shtator në hotel “Sirius” kryetari i FFK-së z.Fadil Vokrri me nënkryetarët Agim Ademi e Bekim Haxhiu dhe sekrtarin e përgjithshëm Eroll Salihu shtroi darkë për nder të kryetarit të Federatës së Futbollit të Omani z. Al Busaidi Sayyid Khalid Bin Hamed me bashkëpunëtorë. Në këtë darkë të pranishëm ishin edhe kandidati i vetëm deri me tash për kryetar të FIFA-s dhe miku i FFK-së z. Jerome Champagne si dhe ministri i Kulturës, Rinisë dhe Sporteve z. Memli Krasniqi.  Gjatë darëkës u bisedua për thellimin e bashkëpunimit ndërmjet dy federatave. Kryetari Vokrri duke i përshëndetur mysafirët nga Omani ka falënderuar shtetin e Omanit dhe kryetarin e FF të Omanit për këtë  ndeshje me shpresën se të dyja federatat do të vazhdojnë bashkëpunimin në fushat me interes e sidomos në përkrahjen që FFK-ja të arrijë synimet e saj në rrafshin ndërkombëtar për t’u bërë pjesë e institucioneve ndërkombëtare sa më parë që është e mundur. Nga ana e tij kryetari i FF të Omanit z. Al Busaidi ka falënderuar kryetarin Vokrri, FFK-në, minsitrin Krasniqi dhe popullin e Kosovës për një mikpritje të ngrohtë. Jam shumë i lumtur dhe i befasuar nnga një mikpritje kaq të ngrohtë nga të gjithë ju dhe ne besojmë se do të vazhdojmë të bashkëpunojmë në të ardhmen me shpresën që edhe ju një ditë të jeni mysafirë në Oman. Ne si Federatë do të mbështesim  FFK- në realizimin e synimeve të saj ka thënë z. Al   Busaidi.