Kampi 2015, talentet dëshmuan cilësi dhe frymë sportive 

Sot më 5 korrik në stadiumin “Agron Rama” u zhvillua ndeshja finale e Kampit Edukativ Nacional, pasi që më parë Ekipi i trajnerëve në krye me Albert Bunjaku pëzgjedhës kishin bërë me kujdes dhe në mënyrë profesionale përzgjedhjen e 36 futbollistëve në mesin e 144 futbollistëve sa morën pjesë në këtë kamp. Me këtë ndeshje është përmbyllur kampio Edukativ Nacional për grup-moshën U-15 ku për tri ditë u zhvilluan 12 ndeshje ndërmjet Rajoneve të Kosovës duke dëshmuar kështu cilësi, rivalitet dhe frymë sportive. Adhuruesit patën rastin të shohin shumë futbollistë të rinj të talentuar që janë ardhmëria e futbollit të Kosovës. Pas një loje tejet të pëlqyeshme nga të dyja përzgjedhjet më të mirë ishin Përzgjdhja “Bardhë” të cilët ngadhnjyem me rezultat 1:0 me golin që e shënoi Valmir Veliu në minutën e 43-të. Kampin e ka vizituar edhe ministri i Kulturës, Rinisë dhe Sporteve z. Kujtim Shala. Të pranishëm ishin krerët e FFK-së kryetari Fadil Vokrri, nënkryetari Agim Ademi, anëtari i KE Agim Maloku dhe sekretari i përgjitshëm Eroll Salihu.
Deklaruan
Fadil Vokrri, kryetar i FFK-së
Ky është edicioni i 6-të i Kampit Edukativ Nacional për grup-moshën U-15 dhe mendoj se kampe të formatit të tillë që është i vetmi në rajon plotësisht e ka arsyetuar mbajtjen dhe organizimin dhe unë falënderoi të gjithë ata tarjnerë, futbollistë dhe të tjerët që u angazhuan për mbarëvajtjen e këtij kampi. Falënderoj edhe mbështetsitë tanë si MKRS dhe sponsorët. Gjatë këtyre ditëve ne dhe adhuruesit patëm rastin të shohim shumë futbollistë të talentuar dhe kjo na jep shpresë për një të ardhme të futbollit të Kosovës aq më parë që së shpejti pritet që edhe ne të jemi pjesë e Evropës dhe botës.
 
Përzgjedhësi Albert Bunjaku
Ishte një kamp i mirë dhe mirë është që po vazhond tradita e mbajtjes së kampeve të tilla tash e gjashtë vite. Natyrisht se nga viti në viti ndryshon edhe cilësia. Këta futbolllistë të rinj po rriten e zhvillohen nëpër klubet tona, ne vetëm jemi përpjekur të bëjmë përzgjedhjen e më të mirëve për momentin sepse ka edhe të tjerë që nesër mund të jenë edhe më të mirë. Me kampin mendoj se po bëhet një punë e madhe ku janë të përfshirë një numër i madh i trajnerëve dhe futtbollistëve.
 
Pëzgjedhja e Bardhë – Përzgjedhja e Kaltër 1:0 (0:0)
Stadiumi “Agron Rama” Kastriot.
Shikues: Disa qindra
Gjyqtarë: Valbon hoxha, Zgjim Rahimi, FatonJskupi, Altin Zhegrova.
Shënues: Valmir Veliu (43) për të Bardhët.
Përzgjedhja e Bardhë: L. Behluli, O. Osmani, J. Hamza, E. Statovci, E. Morina, B. Osmani, E. Tamva, A. Kozmaçi, R. Zhdrella, A. Krasniqi, B. Sekiraça. R. Azemi, A. Haxhijaha, V. Veliu, Y. Buleshkaj, F.Spanca, H. Sada, A. Maloku.
Trajner: Isa Sadriu
Përzgjedhja e Kaltër: Xh. Tupella. B. Kastrati, L. Vitia, A.Kapra, A/ Pllana, A. Kryeziu, J. Bajgora, M. Ajeti, N. Memaj, Sh. Maloku, E. Leci. Ç. Zeneli, B. Tupella, Ç. Sermaxhaj, B. Tolaj, D. Idrizi, A. Arifi, K. Hyseni.
Tajner: Gazmend Haliti.