Komisioni Disiplinor i shkallës së parë në përbërje ; Dukagjin Zefi – kryetar dhe Luan Salihu e Avni Shala – anëtarë, në mbledhjen e rregullt  mbajtur me datë 12.04.2017 – ditë e mërkurë ora 13,00, shqyrtoi procedurat e hapura nga mbledhja e kaluar si dhe inicimet e filluara disiplinore nga ana e Komisionit të Garave pas përfundimit të ndeshjeve  nga java e fundit të zhvilluara me datë 08-09.04.2017 dhe për të njëjtat duke iu referuar raporteve të zyrtarëve, deklaratave  plotësuese dhe provave në dispozicion, konform dispozitave të Rregullores  Disiplinore sjelli këto;
 
V E N D I M E 
 
Deri në kompletimin e provave (grumbullimin e lëndës) mbetën nën masën e shqiptuar disiplinore të
PEZULLIMIT
Pa të drejtë loje dhe kryerjes së  detyrave zyrtare në klubet e tyre për të gjitha ndeshjet zyrtare të organizuara nga ana e Federatës së Futbollit të Kosovës lojtarët, zyrtarët dhe gjyqtarët e poshtëshënuar;
1.ARBEN  BEQIRI; lojtar i klubit të futbollit “Besa“ nga Peja me numër të Librezës sportive; 1/1647 dhe licencuar në Federatën e Futbollit të Kosovës  me numër 12 (në procedurë të pezullimit nga mbledhja e kaluar e Komisionit Disiplinor të shkallës së parë)
2.FATMIR  REXHA; lojtar i klubit të futbollit “Besa“ nga Peja me numër të librezës sportive  871/Pe dhe licencuar në Federatën e Futbollit të Kosovës me numër 16 (në procedurë të pezullimit nga  mbledhja e kaluar e  Komisionit Disiplinor të shkallës së parë)
3.VIGAN  GUTIQ; lojtar i klubit të futbollit “Besa“ nga Peja me numër të librezës sportive  702/Pe dhe licencuar në Federatën e Futbollit të Kosovës me numër 2; (në procedurë  të pezullimit nga mbledhja e kaluar e Komisionit Disiplinor të shkallës së parë)
4.BAJRAM  GASHI; gjyqtar futbolli; (në procedurë të pezullimit nga mbledhja e kaluar e Komisionit Disiplinor të shkallës së parë)
5.EDMOND  ZEQIRI; asistent për referim (në procedurë të pezullimit nga mbledhja e kaluar e Komisionit Disiplinor të shkallës së parë)
6.ALI  AJETI; delegat i  Federatës së Futbollit të Kosovës për vëzhgimin  e ndeshjeve zyrtare të organizuara nga ana e FFK-së  (në procedurë të pezullimit nga mbledhja e kaluar e Komisionit Disiplinor të shkallës së parë)
7.ISMET  MUNISHI; trajner futbolli  i licencuar në Federatën e Futbollit të Kosovës  me numër; 151 (në procedurë të  pezullimit  nga mbledhja e kaluar e Komisionit Disiplinor të shkallës së parë)
 
KF “ TREPÇA “ nga Mitrovica në procedurë të hapur disiplinore nga mbledhja e kaluar e Komisionit të Garave, për lëshime në organizimin e ndeshjes së javës së XXIV-të të Vala Superligës së Kosovës në futboll për kategorinë e seniorëve; TREPÇA – LLAPI, e zhvilluar në Stadiumin Olimpik “Adem Jashari“ në Mitrovicë (dështim në përmbushjen e obligimeve në detyrat e organizatorit të ndeshjes  – tentim sulmi në presidentin e klubit mysafir) – raportet e zyrtarëve të ndeshjes;
DENOHET
Me të holla në shumë prej; 800  euro  në bazë të Rregullores Disiplinore neni 49 pargarafi  1 pika 3 dhe neni 10 paragrafi 3 pika 1. Afati i pagimit të dënimit të shqiptuar në të holla është  15 ditë nga  data e sjelljes së këtij vendimi, respektivisht nga data e publikimit të tij në faqen zyrtare të Federatës së Futbollit të Kosovës datë 12.04.2017 (Rregullorja  Disiplinore neni 11 paragrafi 1).
 
MEHMET  HAXHIU; personi për siguri i Klubit të Futbollit “Trepça“ nga Mitrovica, në procedurë të pezullimit nga mbledhja e kaluar e Komisionit, për moskryerje të detyrës së personit për siguri në përputhje me nenin 26 të Rregullores së Garave  në ndeshjen e javës së XXIV-të të Vala Superligës së Kosovës në futboll për kategorinë e seniorëve; TREPÇA – LLAPI e zhvilluar në Stadiumin Olimpik “Adem Jashari“ në Mitrovicë (raportet shtesë të zyrtarëve të ndeshjes);
DENOHET;
Me shqiptimin e masës  disiplinore; VËREJTJE  E   FUNDIT,  në bazë  të Rregullores Disiplinore  neni 39  paragrafi 1 pika 1.
 
HAJRULLAH  HAXHIU; në procedurë të hapur nga mbledhja e kaluar e Komisionit Disiplinor  për manifestim të sjelljeve josportive (kërcënime drejtuar gjyqtarit kryesor) në ndeshjen e javës së XXIV-të të Vala Superligës së Kosovës në futboll për kategorinë e seniorëve; TREPÇA – LLAPI e zhvilluar në Stadiumin Olimpik “Adem Jashari“ në Mitrovicë (deklarata e gjyqtarit kryesor)
DENOHET
Me shqiptimin e masës disiplinore; VËREJTJE  E  FUNDIT, në bazë të Rregullores Disiplinore neni  39 paragrafi 1 pika 1.
 
NASER  SINANI; delegat i Federatës së Futbollit të Kosovës, për vëzhgimin e ndeshjeve të Vala Superligës, në procedurë të hapur disiplinore nga mbledhja e kaluar, për lëshim në plotësimin e protokollit  të ndeshjes së javës së XXIV të Vala Superligës së Kosovës në futboll për kategorinë e seniorëve; TREPÇA – LLAPI e zhvilluar në Stadiumin Olimpik “Adem Jashari“ në Mitrovicë (raportet plotësuese të zyrtarëve);
DENOHET
Me  shqiptimin  e masës disiplinore;  VËREJTJE  E FUNDIT, në bazë të Rregullores Disiplinore neni 39 paragrafi 1 pika 1.
 
KF “ PRISHTINA “ nga Prishtina, në procedurë të iniciuar disiplinore nga ana e Komisionit të Garave për lëshime  në organizimin e ndeshjes së javës së XXV-të të Vala Superligës së Kosovës në futboll për kategorinë e seniorëve; PRISHTINA – TREPÇA, e zhvilluar në Stadiumin “Agron Rama“ në Kastriot; raportet e zyrtarëve të ndeshjes (rrahje – sulmi i tifozerisë së klubit nikoqir në anëtarët e kryesisë së klubit mysafirë – ku  pati edhe të lënduar) i
HAPET  PROCEDURA DISIPLINORE
Deri në kompletimin e lëndës (vendimin përfundimtar të komisionit). Kërkohet raport plotësuese nga zyrtarët e Klubit të Futbollit “Prishtina“ nga Prishtina lidhur me rastin. Afati datë 17.04.2017 (Rregullorja Disiplinore neni 11 paragrafi 1 ).
 
KF “FERONIKELI“ nga Drenasi , në procedurë të iniciuar disiplinore nga ana e Komisionit të Garave, për lëshime në organizimin e ndeshjes së javës së XXV-të të Vala Superligës së Kosovës në futboll për kategorinë e seniorëve; FERONIKELI – DRITA e zhvilluar në stadiumin “Rexhep Rexhepi“ në Drenas  – raportet e zyrtarëve të ndeshjes (hedhje e gjësendeve në fushë dhe fyerje e gjyqtarit kryesor); i
HAPET  PROCEDURA  DISIPLINORE
Deri në kompletimin e lëndës (vendimin përfundimtar të komisionit). Kërkohet raport plotësues nga zyrtarët e Klubit të Futbollit “Feronikeli“ nga Drenasi, lidhur me rastin. Afati datë 17.04.2017 (Rregullorja Disiplinore  neni 31 paragrafi 1 ).
 
MENDURIM  HOTI; lojtar i Klubit të Futbollit “FERONIKELI“ nga Drenasi  me numër të librezës sportive  2283/14 dhe licencuar në Federatën e Futbollit të Kosovës me numër  17, për manifestim të sjelljeve josportive  pas ndëshkimit  me kartonin e kuq pas dy të verdhëve ndaj gjyqtarit kryesor  Fatmir Tahiri në ndeshjen e javës së XXV-të të Vala Superligës së Kosovës në futboll për kategorinë e seniorëve FERONIKELI – DRITA, e zhvilluar në stadiumin “ Rexhep Rexhepi “ në Drenas  (raportet e zyrtarëve të ndeshjes dhe deklarata e gjyqtarit kryesor);
DENOHET
Me ndalesë loje për 4 (katër) ndeshje zyrtare sipas radhës të organizuara nga ana e Federatës së Futbollit të Kosovës në bazë të Rregullores Disiplinore neni 38 paragrafi 3.
 
KF “TREPÇA ‘89“  nga Mitrovica, në procedurë të iniciuar disiplinore nga ana e Komisionit të Garave, për lëshime në organizimin e ndeshjes  së javës së XXV-të të Vala Superligës së Kosovës në futboll për kategorinë e seniorëve; TREPÇA ‘89 – FERIZAJ, e zhvilluar në stadiumin “Riza Lushta“ në Mitrovicë – raportet e zyrtarëve të ndeshjes (pas përfundimit të ndeshjes personi i paidentifikuar por i cituar me emrin Ilir  tenton ta sulmojë lojtarin e ekipit mysafirë me numër 18 ) i
HAPET  PROCEDURA  DISIPLINORE
Deri në kompletimin e lëndës (vendimin përfundimtar të Komisionit Disiplinor). Kërkohet nga Klubi i Futbollit “Trepça’89“ nga Mitrovica raport plotësues lidhur me rastin – njëherësh identifikimin e personit të apostrofuar në raportin e zyrtarëve. Afati datë 17.04.2017 (Rregullorja Disiplinore neni 31 paragrafi 1).
 
MILLAN  RISTOVSKI; lojtar i Klubit të Futbollit “FERIZAJ“ nga Ferizaj me numër të librezës sportive  2575/17 dhe licencuar në Federatën e Futbollit të Kosovës me numër 18  në procedurë të iniciuar disiplinore  nga ana e Komisionit të Garave, për manifestim të provokimeve  drejtuar  spektatorëve  nikoqir në ndeshjen e javës së XXV-të të Vala Superligës së Kosovës në futboll për kategorinë e seniorëve; TREPÇA ‘89 – FERIZAJ  e zhvilluar në stadiumin “Riza Lushta“ në Mitrovicë – raportet e zyrtarëve të ndeshjes (në mungesë të deklaratës vetanake) i
HAPET  PROCEDURA  DISIPLINORE
Deri në kompletimin e lëndës (vendimin përfundimtar të Komisionit Disiplinor). Kërkohet deklarata plotësuese nga lojtari në procedurë disiplinore; Millan Ristevski, lidhur me rastin. Afati datë 17.04.2017 ( Rregullorja Disiplinore neni 31 paragrafi 1).
 
ALI  SHEHU; delegat i Federatës së Futbollit të Kosovës për vëzhgimin e ndeshjeve, në procedurë të iniciuar disiplinore  nga ana e Komisionit të Garave, për mos përshkrimin  dhe raportimin e rastit lidhur me tentim sulmin e personit “X“ në lojtarin mysafirë me numër 18 pas përfundimit të ndeshjes së javës së XXV-të të Vala Superligës së Kosovës në futboll për kategorinë e seniorëve; TREPÇA  ‘89 –FERIZAJ  e zhvilluar në stadiumin “Riza Lushta“ në Mitrovicë.
DENOHET
Me shqiptimin e masë disiplinore;  VËREJTJE  E  FUNDIT  në bazë të Rregullores  Disiplinore neni  39  paragrafi 1 pika 1.
 
KF “LIRIA“ nga Prizreni në procedurë të iniciuar disiplinore nga ana e Komisionit të Garave, për lëshime në organizimin e ndeshjes së javës së XXV-të të Vala Superligës së Kosovës në futboll për kategorinë e seniorëve; LIRIA – DRENICA, e zhvilluar në stadiumin “Përparim Thaçi“ në Prizren – raportet e zyrtarëve (nga minuta e 60 e ndeshjes  e deri në përfundimin e saj pati fyerje, sharje  dhe ofendime nga ana e spektatorëve nikoqir drejtuar  zyrtarëve dhe delegatit të ndeshjes)- i
HAPET PROCEDURA  DISIPLINORE
Deri në kompletimin e lëndës. Kërkohet raport plotësues nga zyrtaret e Klubit të Futbollit “Liria“ nga Prizreni, lidhur me rastin. Afati datë 17.04.2017 (Rregullorja Disiplinore neni 31 paragrafi 1 ).
 
KF “KOSOVA“ nga Vushtrria në procedurë të iniciuar disiplinore nga ana e Komisionit të Garave, për lëshime në organizimin e ndeshjes së javës së XXI-të të Ligës së Parë të Kosovës në futboll për kategorinë e seniorëve; KOSOVA (V) – VËLLAZNIMI, e zhvilluar në stadiumin “Ferki Aliu“ në Vushtrri – raportet e zyrtarëve  (ku pas minutës së 53-të kur ekipi mysafir barazon rezultatin filloi hedhje e gjësendeve në fushë  nga ana e një grupi të spektatorëve të rebeluar në drejtim të bankinës mysafire me ç’rast  goditet trajneri Arsim Gojani.  Me vendim të gjyqtarit kryesor  ndeshja  ndërpritet për 25 minuta  dhe bëhet zbrazja e  tribunës ku ndodhej  pjesa e spektatorëve të pa disiplinuar)
DENOHET
Me zhvillimin e 1 (një) ndeshje zyrtare sipas radhës në fushën e vet pa praninë e spektatorëve, në bazë të Rregullores Disiplinore neni  50 paragrafi 1 pikja 2.
 
KF “FLAMURTARI“ nga Prishtina në procedurë të iniciuar disiplinore nga ana e Komisionit të Garave, për lëshime në organizimin e ndeshjes së javës së XXI-të të Ligës së Parë të Kosovës në futboll për kategorinë e seniorëve; FLAMURTARI – KOSOVA (P) e zhvilluar në stadiumin e Flamurtarit  – raportet e zyrtarëve të ndeshjes (hedhje e gjësendeve të forta në fushë nga ana e tifozerisë  së klubit nikoqir – Flamurtarit) i
HAPET  PROCEDURA  DISIPLINORE
Deri në kompletimin e lëndës (vendimin përfundimtar të Komisionit Disiplinor). Kërkohet raport plotësues nga zyrtarët e Klubit të Futbollit “Flamurtari“ nga Prishtina, lidhur me rastin. Afati datë 17.04.2017 ( Rregullorja Disiplinore neni 31 paragrafi 1 ).
 
KF “BALLKANI“ nga Suhareka në procedurë të iniciuar disiplinore nga ana e Komisionit të Garave për dyshime për trukimin e ndeshjes së javës së XVI-të të Ligës së Parë të Kosovës në futboll për kategorinë e seniorëve ; RAMIZ  SADIKU  – BALLKANI, e zhvilluar dhe përfunduar me rezultat 1:2 ( publikimet në video-portalin  Indeksonline) i
HAPET  PROCEDURA  DISIPLINORE
Deri në kompletimin e provave. Kërkohen raportet nga zyrtaret e klubit lidhur me rastin nga shkaku i dyshimit në shkeljen e nenit 57 të Rregullores Disiplinore). Raport është kërkuar edhe nga Kuvendi i Komunës së Suharekes. Afati datë 17.04.2017 (Rregullorja Disiplinore neni 31 paragrafi 1).
 
FLORIM KRYEZIU; kryetar i Klubit të Futbollit “BALLKANI“ nga Suhareka në procedurë të iniciuar disiplinore nga ana e  Komisionit të Garave, emri i të cilit përmendet  nga ana e trajnerit të klubit Gëzim Hasi  lidhur me  dyshimet për trukimin e ndeshjes së javës së XVI-të të Ligës së Parë të Kosovës në futboll për kategorinë e seniorëve; RAMIZ  SADIKU – BALLKANI, e zhvilluar në Prishtinë (publikimi i videos- në portalin e  Indeksonline);
PEZULLOHET
Me ndalesë të kryerjes së funksioneve zyrtare në klub  lidhur me ndeshjet zyrtare të organizuara nga ana e Federatës së Futbollit të Kosovës deri në kompletimin e provave – lëndës (vendimin përfundimtar të komisionit). Kërkohet deklarata plotësuese nga zyrtari i pezulluar Florim Kryeziu. Afati datë  17.04.2017 ( Rregullorja Disiplinore  neni 31 paragrafi 1 pika 1. )
 
GËZIM  HASI; kryetrajner në Klubin e Futbollit “BALLKANI“ nga Suhareka  i licencuar në Federatën e Futbollit të Kosovës, në procedurë të iniciuar disiplinore nga ana e Komisionit të Garave, për dyshime (tentim dhe pajtim në trukimin e rezultatit) për ndeshjen e javës së XVI-të të LIgës së Parë të Kosovës në Futboll për kategorinë e seniorëve; RAMIZ  SADIKU – BALLKANI, e zhvilluar në Prishtinë (publikimi i videos në portalin e Indeksonline)
PEZULLOHET
Me ndalesë të kryerjes së funksionit të trajnerit dhe funksioneve tjera në klub lidhur me ndeshjet e organizuara nga ana e Federatës së Futbollit të Kosovës deri në vendimin përfundimtar të komisionit (kompletimin e provave – lëndës). Kërkohet deklarata plotësuese nga trajneri i pezulluar Gëzim Hasi. Afati datë 17.04.2017  (Rregullorja Disiplinore neni 31 paragrafi 1).
 
KËSHILLA  JURIDIKE
Pala e pakënaqur në këto vendime ka të drejtë ankese drejtuar Komisionit për ankesa në nivelin e shkallës së dytë, në afatin kohor prej  8 (tetë) ditëve  nga data e publikimit të këtij vendimi në  faqen zyrtare të Federatës së Futbollit të Kosovës  datë 12.04.2017, respektivisht nga data e pranimit të tij. Ankesa e ushtruar nga ana e palës së ankimuar nuk e ndalon ekzekutimin e këtij vendim.
 
Prishtinë, datë 12.04.2017
Kryetari,  DUKAGJIN  ZEFI  d.v.