Komisioni Disiplinor i shkallës së parë në përbërje ; Dukagjin Zefi – kryetar dhe Luan Salihu e Avni Shala – anëtarë, në mbledhjen e mbajtur me datë 16.11.2018 shqyrtoi procedurat e hapura nga mbledhja e kaluar si dhe inicimet e filluara nga ana e komisioneve të garave për të padisiplinuarit dhe të penalizuarit pas përfundimit të ndeshjeve nga java e fundit dhe për të njëjtat duke iu referuar raporteve zyrtare dhe deklaratat plotësuese konform Dispozitave të Rregullores disiplinore sjelli këto;
V E N D I M E :
SHPETIM DURO; kryetrajner në klubin e futbollit “DRITA” nga Gjilani me numër të ID kartelës; 01316M59 në procedurë të hapur disiplinore nga ana e komisionit , për mos respektim të kodit të sjelljes (tymosje e cigares para fillimit të takimit gjatë nxehjes së lojtarëve) në ndeshjen e javës së ; XV-të të IPKO-SUPERLIGES së Kosovës në futboll për kategorinë e seniorëve ; LLAPI – DRITA e zhvilluar më datë 10.11.2018 në stadiumin “Zahir Pajaziti“ në Podujevë ( raportet e zyrtarëve nga ndeshja e zhvilluar në Podujevë si dhe deklarata plotësuese e kryetrajneri në procedure z. Shpëtim Duro)
DENOHET
Me shqiptimin e masës disiplinore të QORTIMIT në bazë të Rregullores disiplinore neni 40 paragrafi 1 pika 2.
AGRON BREZNICA; ndihmëstrajner në klubin e futbollit “FUSHË KOSOVA“ nga Fushë Kosovë me numër të ID kartelës; 011416M82, në procedurë të hapur disiplinorë nga mbledhja e kaluar e komisionit për largim nga bankina (reagime të vazhdueshme në vendimet e gjyqtarëve të takimit) në ndeshjen e javës së; XIII-të të Ligës së Parë të Kosovës në futboll për kategorinë e seniorëve ; VLLAZNIA – FUSHË KOSOVA e zhvilluar me datë 11.11.2018 në Pozharan të Vitisë (raportet e zyrtarëve nga ndeshja e zhvilluar në Pozharan dhe deklarata plotësuese e ndihmëstrajnerit të larguar nga bankina Agron Breznica )
DENOHET
Me shqiptimin e masës disiplinore të QORTIMIT në bazë të rregullores disiplinore neni 40 paragrafi 1 pika 2.
ISA BREZNICA ; trajner në klubin e futbollit “RINIA“ nga Miradia e Fushë Kosovës në procedurë të hapur disiplinore nga ana e komisionit, për largim nga bankina – hapësira teknike (për manifestim të sjelljeve josportive) gjatë ndeshjes së javës së; XIII-të të Ligës së Dytë të Kosovës në futboll për kategorinë e seniorëve grupi B; VJOSA – RINIA e zhvilluar në Lipjan (raportet zyrtare nga ndeshja e zhvilluar në Lipjan dhe deklarata e trajnerit të larguar nga bankina ; Isa Breznica)
DENOHET
Me shqiptimin e masës disiplinore të QORTIMIT në bazë të Rregullores disiplinore neni 40 paragrafi 1 pika 2.
KËSHILLA JURIDIKE;
Pala e pakënaqur në këto vendime ka të drejtë ankese drejtuar komisionit disiplinor të shkallës së dytë, komisionit për ankesa në afatin kohor prej 8 (tetë) ditëve , nga data e sjelljes së këtij vendimi datë 16.11.2018 – publikimit të tij në faqen zyrtare të Federatës së Futbollit të Kosovës. Ankesa e ushtruar nga ana e palës së ankimuar nuk e ndalon ekzekutimin e vendimit.
Prishtrinë, datë 16.11.2018 Kryetari, DUKAGJIN ZEFI