Komisioni Disiplinor i shkallës së parë në përbërje; Dukagjin Zefi – kryetar dhe Luan Salihu e Avni Shala – anëtarë, në mbledhjen e mbajtur me datë 07.05.2019 shqyrtoi procedurat e hapura disiplinore nga mbledhja e kaluar e komisionit si dhe inicimet e filluara nga ana e komisioneve garuese pas përfundimit të ndeshjeve nga java e fundit për shkaktaret e kundërvajtjeve dhe për të njëjtit duke iu referuar raporteve zyrtare nga ndeshjet e zhvilluara konform Dispozitave të Rregullores disiplinore nxjerri këto
V E N D I M E
LIRIDON LECI; lojtar i klubit të futbollit “DRITA “nga Gjilani me numër të ID kartelës 000540M85 dhe licencuar në Federatën e Futbollit të Kosovës me numër të fanellës sportive 13, në procedurë të pezullimit nga mbledhja e kaluar e Komisionit Disiplinore për manifestim të sjelljeve josportive pas përfundimit të ndeshjes së javës së ; XXVIII-të IPKO-SUPERLIGES së Kosovës në futboll për kategorinë e seniorëve ; DRITA – TREPÇA 89 e zhvilluar me datë 21.04.2019 në Gjilan (raportet zyrtare nga ndeshja e zhvilluar si dhe deklaratat plotësuese; pas përfundimit të ndeshjes rrugës për në zhveshtore lojtari Liridon Leci fyen, ofendon dhe kërcënon asistentin Granit Hyseni, po i njëjti lojtar Liridon Leci sulmon fizikisht lojtarin e klubit të futbollit “Trepça ‘89“ nga Mitrovica me numër 7; Hasan Hysenin të cilit i shkakton lëndime në fytyrë) Citojmë së lojtari Liridon Leci për atë ndeshje ishte i pezulluar dhe jo i evidentuar në protokollin zyrtar të ndeshjes . Bazuar në deklaratën plotësuese të vet lojtarit dhe të tjerëve Konform Rregullores disiplinore neni 44 paragrafi 1 pika 1, lojtari Liridon Leci ; DËNOHET ; me ndalesë loje për 6 (gjashtë) ndeshje zyrtare sipas radhës të organizuara nga ana e Federatës së Futbollit të Kosovës.
KF “LLAPI“ nga Podujeva në procedurë të hapur nga mbledhja e kaluar e Komisionit Disiplinor për lëshime në organizimin e ndeshjes së javës së; XXIX-të IPKO-SUPERLIGES së Kosovës në futboll për kategorinë e seniorëve ; LLAPI – DRITA e zhvilluar me datë 27.04.2019 në stadiumin “Zahir Pajaziti“ në Podujevë (raportet zyrtare nga ndeshja e zhvilluar; shpalosja e një pankarte me përmbajtje josportive në fillim të ndeshjes, minutat 41 dhe 47 ndezje e flakadanëve dhe hedhja e njërit prej tyre në pjesëfushën e ekipit mysafir, minutat e 80 dhe 84, ofendimet e orkestruara nga publiku nikoqir drejtuar lojtarëve mysafirë). Bazuar në Rregulloren disiplinore neni 50 paragrafi 1 pika 3 dhe neni 10 paragrafi 1 pika 1; DËNOHET; me të holla në shumë prej; 1000 euro (njëmijë euro). Afati i pagimit të dënimit të shqiptuar është 15 ditë nga data kur vendimi bëhet i plotfuqishëm. (Rregullorja disiplinore neni 11 paragrafi 1)
KF “BALLKANI“ nga Suhareka në procedurë të hapur nga mbledhja e kaluar e Komisionit disiplinore për lëshime në organizimin e ndeshjes së javës së; XXIX-të IPKO-SUPERLIGES së Kosovës në futboll për kategorinë e seniorëve; BALLKANI – FERIZAJ e zhvilluar me datë 27.04.2019 në stadiumin e qytetit në Suharekë (raportet e zyrtarëve nga ndeshja e zhvilluar; 2 veta , para fillimit të ndeshjes fyen, ofenduan dhe kërcënuan gjyqtarin kryesor Mervan Bejtullahu). Bazuar në Rregulloren disiplinore neni 50 paragrafi 1 pika 3 dhe neni 10 paragrafi 1 pika 1; për mos ndërmarrje të masave të nevojshme të sigurisë në ndeshje; DËNOHET; me të holla në shumë prej; 1000 euro (njëmijë euro). Afati i pagimit të dënimit të shqiptuar është 15 ditë nga data kur vendimi bëhet i plotfuqishëm. (Rregullorja disiplinore neni 11 paragrafi 1 ).
ISMAIL KOSUMI; drejtor sportiv i klubit të futbollit “BALLKANI“ nga Suhareka me numër të ID kartelës ; 009395M57, në procedurë të hapur disiplinore nga mbledhja e kaluar e komisionit, për mos ofrim të ndihmës gjyqtarit kryesor Mervan Bejtullahu, i cili u kërcënua nga personat jozyrtar në prani të drejtorit sportiv, Ismail Kosumi, para fillimit të ndeshjes së javës së; XXIX-të IPKO-SUPERLIGES së Kosovës në futboll për kategorinë e seniorëve ; BALLKANI – FERIZAJ, e zhvilluar me datë 27.04.2019 në stadiumin e qytetit në Suharekë (raportet e zyrtarëve nga ndeshja e zhvilluar). Bazuar në Rregulloren disiplinore; DËNOHET; me shqiptimin e masës disiplinore të QORTIMIT;
FISNIK GASHI; kryetrajner i klubit të futbollit “BESA“ nga Peja me numër të dokumentit zyrtar UEFA; 00723 , në procedurë të hapur disiplinore nga mbledhja e kaluar e komisionit, për largim nga pankina – hapësira teknike nga ana e gjyqtarit kryesor (minuta 90 + reagim në vendimin e gjyqtarit) në ndeshjen e javës së; XXVI-të Ligës së Parë të Kosovës në futboll për kategorinë e seniorëve; RAMIZ SADIKU – BESA, e zhvilluar me datë 27.04.2019 në Prishtinë (raportet e zyrtarëve nga ndeshja e zhvilluar). Bazuar në Rregulloren Disiplinore neni 40 paragrafi 1 pika 3; DËNOHET me shqiptimin e masës disiplinore të QORTIMIT;
KF “FUSHË KOSOVA”; nga Fushë Kosova në procedurë të hapur disiplinore nga mbledhja e kaluar e komisionit, për lëshime në organizimin e ndeshjes së javës së; XXIX-të Ligës së Parë të Kosovës në futboll për kategorinë e seniorëve; FUSHË KOSOVA – KIKA , e zhvilluar me datë 27.04.2019 në stadiumin e qytetit në Fushë Kosovë. (Raportet e zyrtarëve nga ndeshja e zhvilluar; hedhje e mjeteve piroteknike në fushën e ekipit kundërshtar, gjatë pjesëlojës së parë). Bazuar në Rregulloren disiplinore neni 50 paragrafi 1 pika 1; DËNOHET; me shqiptimin e masës disiplinore; VËREJTJE E FUNDIT
FATMIR MORINA; delegat për vëzhgimin e ndeshjeve të Ligave të dyta dhe kategorive të reja në procedurë të pezullimit nga mbledhja e kaluar e komisionit disiplinor, për mos përmbushje të detyrave në kryerjen e detyrës së zyrtarit (mos përcjellja e raportit zyrtar në afatin e paraparë kohor për regjistrimin e ndeshjes nga ana e komisionit të garave) nga ndeshja e Ligës së dytë, Grupi A – kategoria e seniorëve; MINATORI – GALAKSIA, e zhvilluar në Magurë të Lipjanit (raportet nga ndeshja zyrtare e zhvilluar në Magurë). DËNOHET; me shqiptimin e masës disiplinore të QORTIMIT.
MUHAMET REXHEPI; zyrtar i klubit të futbollit “LLAPI” nga Podujeva me numër të ID kartelës; 002413M88 në procedurë të iniciuar disiplinore nga ana e Komisionit të Garave, për përjashtim nga pankina – hapësira teknike e lojtarëve rezervë (reagime në vendimet e gjyqtarëve) në ndeshjen e javës së; XXX-të IPKO-SUPERLIGES së Kosovës në futboll për kategorinë e seniorëve; LLAPI – TREPÇA ‘89 e zhvilluar me datë 05.05.2019 në stadiumin “Zahir Pajaziti” në Podujevë. (raportet e zyrtarëve nga ndeshja e zhvilluar në Podujevë). Bazuar në Rregulloren disiplinore neni 40 paragrafi 1 pika 3 dhe neni 10 paragrafi 3; DËNOHET; me të holla në shumë prej; 500 euro (pesëqind euro). Afati i pagimit të dënimit të shqiptuar është 15 ditë nga data kur vendimi bëhet i plotfuqishëm. (Rregullorja disiplinore neni 11 paragrafi 1).
BEKIM MULLIQI; trajner i portierëve në klubin e futbollit “LLAPI” nga Podujeva me numër të ID kartelës; 011415M71 në procedurë të iniciuar disiplinore nga ana e Komisionit të Garave, për sjellje të gabuara (reagime në vendimet e gjyqtarëve) në ndeshjen e javës së; XXX-të IPKO-SUPERLIGES së Kosovës në futboll për kategorinë e seniorëve; LLAPI – TREPÇA ‘89 e zhvilluar me datë 05.05.2019 në stadiumin ” Zahir Pajaziti” në Podujevë (raportet zyrtare nga ndeshja e zhvilluar në Podujevë) , bazuar në nenin 40 paragrafi 1 pika 1; DËNOHET; me shqiptimin e masës disiplinore; VËREJTJE E FUNDIT.
GËZIM RUSI; lojtar i klubit të futbollit “TREPÇA ‘89” nga Mitrovica me numër të ID kartelës ; 000531M94 dhe licencuar në Federatën e Futbollit të Kosovës me numër të fanellës sportive 11, në procedurë të iniciuar disiplinore nga ana e Komisionit të Garave, për veprim të gabuar – goditje të kundërshtarit minuta e 76 në aksion gjatë zhvillimit të lojës (Prova; incizimi televiziv – Rregullorja disiplinore neni 93 paragrafi 1 pika 6) në ndeshjen e javës së ; XXX-të IPKO-SUPERLIGES së Kosovës në futboll për kategorinë e seniorëve; LLAPI – TREPÇA ’89, e zhvilluar me datë 05.05.2019 në stadiumin “Zahir Pajaziti” në Podujevë (raportet zyrtare nga ndeshja e zhvilluar në Podujevë). Bazuar në Rregulloren disiplinore neni 43 paragrafi 1 pika 1; DËNOHET; me ndalesë loje për; 2 (dy) ndeshje zyrtare sipas radhës të organizuara nga ana e Federatës së Futbollit të Kosovës.
KF “DRITA” nga Gjilani , në procedurë të iniciuar disiplinore nga ana e Komisionit të Garave për sjellje të gabuara të spektatorëve të ekipit të tyre (fyerje në kor drejtuar ekipit kundërshtar konkretisht minutat ; 63 dhe 93) në ndeshjen e javës së ; XXX-të IPKO-SUPERLIGES së Kosovës në futboll për kategorinë e seniorëve; DRITA – PRISHTINA, e zhvilluar në stadiumin e qytetit në Gjilan (raportet zyrtare nga ndeshja e zhvilluar në Gjilan), bazuar në Rregulloren disiplinore neni 32 paragrafi 1 i HAPET PROCEDURA DISIPLINORE deri në kompletimin e lëndës. Kërkohen raporte plotësuese nga zyrtaret e klubit të futbollit “Drita” nga Gjilani lidhur me rastin ( personi për siguri dhe ai zyrtar për atë ndeshje). Afati datë 10.05.2019.
KF “GJILANI” nga Gjilani në procedurë të iniciuar disiplinore nga ana e Komisionit të Garave, për lëshime në organizimin e ndeshjes së javës së; XXX-të IPKO-SUPERLIGES së Kosovës në futboll për kategorinë e seniorëve; GJILANI – FLAMURTARI, e zhvilluar në Gjilan (raportet zyrtare nga ndeshja e zhvilluar; minuta e 63, hyrje e dy tifozëve në fushën e lojës për ti sulmuar gjyqtaret, kurse pas përfundimit të ndeshjes në hyrje për deshatore pati fyerje, ofendime, sharje dhe sulm në gjyqtarët e takimit). Bazuar në Rregulloren disiplinore paragrafi 1 pika 1 i HAPET PROCEDURA DISIPLINORE deri në kompletimin e lëndës . Kërkohen deklaratat plotësuese nga zyrtaret e klubit të futbollit “Gjilani” nga Gjilani lidhur me rastin (personi për siguri dhe zyrtari i ndeshjes). Afati datë 10.05.2019.
SKENDER ZUKA; anëtar i kryesisë së klubit të futbollit “GJILANI” nga Gjilani në procedurë të iniciuar disiplinore nga ana e Komisionit të garave për sjellje të gabuara (raporti i supervëzhguesit; sulm fizik në gjyqtarë pas përfundimit të takimit) në ndeshjen e javës së; XXX-të IPKO-SUPERLIGES së Kosovës në futboll për kategorinë e seniorëve; GJILANI – FLAMURTARI, e zhvilluar në stadiumin e qytetit në Gjilan, bazuar në Rregulloren disiplinore neni 32 paragrafi 1 ; PEZULLOHET pa të drejtë në kryerjen e të gjitha funksioneve zyrtare lidhur me organizimin e ndeshjeve të organizuara nga ana e Federatës së Futbollit të Kosovës deri në vendimin përfundimtar të komisionit. Kërkohet deklarata plotësuese nga zyrtari në pezullim Skender Zuka, afati datë 10.05.2019.
SALLAH SHERIFI ; ndihmëstrajner i klubit të futbollit “GJILANI “ nga Gjilani në procedurë të iniciuar disiplinore nga ana e Komisionit të Garave për manifestim të sjelljeve josportive (raportet zyrtare nga ndeshja e zhvilluar; fyerje dhe ofendime drejtuar gjyqtarëve pas përfundimit të takimit) në ndeshjen e javës së XXX-të IPKO-SUPERLIGES së Kosovës në futboll për kategorinë e seniorëve; GJILANI – FLAMURTARI e zhvilluar me datë 05.05.2019 në stadiumin e qytetit në Gjilan. Bazuar në Rregulloren disiplinore neni 32 paragrafi 1; PEZULLOHET; pa të drejtë në kryerjen e detyrës së trajnerit dhe funksioneve tjera në klub lidhur me ndeshjet zyrtare të organizuara nga ana e Federatës së Futbollit të Kosovës deri në vendimin përfundimtar të komisionit. Kërkohet deklarata plotësuese nga ndihmëstrajneri në pezullim Sallah Sherifi. Afati datë 10.05.2019.
HAZIR ALIDEMA; delegat për vëzhgimin e ndeshjeve, në procedurë të iniciuar nga ana e Komisionit Disiplinor, për lëshime në kryerjen e detyrës – vonesë në përcjelljen e ndeshjes së javës së XXVII-të Ligës së Parë të Kosovës në futboll për kategorinë e seniorëve; VITIA – ARBERIA e zhvilluar në Viti; PEZULLOHET pa të drejtë në kryerjen e detyrës së delegatit të ndeshjes për ndeshjet zyrtare të organizuara nga ana e Federatës së Futbollit të Kosovës deri në vendimin përfundimtar të Komisionit Disiplinor. Kërkohet deklarata plotësuese nga delegati në pezullim Hazir Alidema, afati datë 10.05.2019. (Rregullorja disiplinore neni 32 paragrafi 1 ).
KF “FUSHË KOSOVA“ nga Fushë Kosova, në procedurë të iniciuar disiplinore nga ana e komisionit të garave, për hedhje të mjeteve piroteknike nga ana e spektatorëve të ekipit të tyre në fushë me bari artificial në ndeshjen e javës së ; XXVII-të Ligës së parë të Kosovës në futboll për kategorinë e seniorëve; 2 KORRIKU – FUSHË KOSOVA e zhvilluar në Prishtinë (raportet zyrtare nga ndeshja e zhvilluar) bazuar në Rregulloren disiplinore neni 32 paragrafi 1 ; I HAPET PROCEDURA DISIPLINORE deri në kompletimin e lëndës. Kërkohet raport plotësues nga klubi futbollistik “Fushë Kosova“ nga Fushë Kosova – personi zyrtar i klubit për atë ndeshje lidhur me rastin. Afati datë 10.05.2019.
AVNI HAXHIU; kryetar i klubit të futbollit “TREPÇA “nga Mitrovica në procedure të iniciuar disiplinore nga ana e Komisionit të Garave, për sulm fizik në gjyqtarin kryesor (kapje për fyti) në ndeshjen e javës së; XXVII-të Ligës së Parë të Kosovës në futboll për kategorinë e seniorëve; TREPÇA – VËLLAZNIMI e zhvilluar në stadiumin olimpik “Adem Jashari“ në Mitrovicë (raportet zyrtare nga ndeshja e zhvilluar në Mitrovicë) në bazë të Rregullores Disiplinore neni 32 paragrafi 1; PEZULLOHET pa të drejtë në kryerjen e funksioneve në klub lidhur me ndeshjet zyrtare të organizuara nga ana e Federatës së Futbollit të Kosovës deri në vendimin përfundimtar të Komisionit. Kërkohet deklarata plotësuese nga i pezulluari Avni Haxhiu, afati datë 10.05.2019.
KËSHILLA JURIDIKE
Pala e pakënaqur në këto vendime ka të drejtë ankese drejtuar komisionit disiplinor të shkallës së dytë , komisionit për ankesa në afatin kohor prej ; 8 ( tetë ) ditëve nga data e sjelljes së këtij vendimi – publikimit të tij në faqen zyrtare të Federatës së Futbollit të Kosovës. Ankesa e ushtruar nga ana e palës së ankimuar nuk e ndalon ekzekutimin e vendimit.
Prishtinë, 07.05.2019
Kryetari, Dukagjin Zefi