Komisioni Disiplinor i shkallës së parë në përbërje; Dukagjin Zefi – kryetar dhe Luan Salihu e Avni Shala – anëtarë, në mbledhjen e mbajtur me datë; 28.07.2020 , shqyrtoi procedurat e hapura nga mbledhja e kaluar si dhe inicimet e procedurave të filluara disiplinore nga ana e komisionit të garave pas përfundimit të ndeshjeve të javës së ; XXXIII-të të IPKO SUPERLIGES së Kosovës në futboll për kategorinë e seniorëve të zhvilluara me datë 25-26.07.2020 , dhe për të njëjtat duke iu referuar raporteve zyrtare konform Dispozitave të Rregullores disiplinore sjelli këto;
V E N D I M E
LASSINE TRAORE; lojtar i klubit të futbollit “TREPÇA ‘89“ nga Mitrovica me numër të ID kartelës 0145579M00 në procedurë të pezullimit nga mbledhja e kaluar e komisionit disiplinor , për ndëshkim me karton të kuq në ndeshjen e javës së ; XXXIII-të Ipko Superligës së Kosovës në futboll për kategorinë e seniorëve; KF FERONIKELI – KF TREPÇA ‘89 e zhvilluar me datë 22.07.2020 në stadiumin “Rexhep Rexhepi“ në Drenas (raportet zyrtare nga ndeshja e zhvilluar në Drenas); Bazuar në nenin 39 paragrafi 3 të Rregullores disiplinore lojtari Lassine Traore për manifestim të sjelljeve të gabuara; DENOHET me ndalesë loje për; 2 (dy) ndeshje zyrtare sipas radhës të organizuara nga ana e Federatës së Futbollit të Kosovës.
LABINOT QOSA; trajner i portierëve në klubin e futbollit “FLAMURTARI“ nga Prishtina me numër të ID kartelës; 001909M85 në procedurë të iniciuar disiplinore nga ana e komisionit të garave, për ndëshkim me karton të kuq në ndeshjen e javës së; XXXIII-të Ipko Superligës së Kosovës në futboll për kategorinë e seniorëve; KF FLAMURTARI – SC GJILANI e zhvilluar me datë 26.07.2020 në Prishtinë (raportet zyrtare nga ndeshja e zhvilluar). Bazuar në nenin 97 dhe 98 të Rregullores disiplinore trajneri Labinot Qosa; PEZULLOHET pa të drejtë kryerjes së detyrës së trajnerit në klub deri në vendimin përfundimtar të komisionit disiplinor (deri në kompletimin e lëndës). Kërkohet deklarata plotësuese nga trajneri i pezulluar z. Labinot Qosa lidhur me rastin. Afati datë 03.08.2020 (Rregullorja disiplinore neni 32 paragrafi 1).
KF “TREPÇA ‘89“ nga Mitrovica në procedurë të iniciuar disiplinore nga ana e komisionit të garave, për lëshime të pjesërishme në organizimin e ndeshjes së javës së; XXXIII-të Ipko Superligës së Kosovës në futboll për kategorinë e seniorëve; KF TREPÇA ‘89 – FC PRISHTINA, e zhvilluar me datë 26.07.2020 në stadiumin “Riza Lushta“ në Mitrovicë (raportet zyrtare nga ndeshja e zhvilluar në Mitrovicë; hyrje e shikuesve në fushë minutat 80 dhe 86 për të festuar golat e shënuara bashkërisht me lojtarët). Bazuar në nenin 97 dhe 98 të Rregullores disiplinore për këto lëshime KF Trepça‘89 nga Mitrovica; I HAPET PROCEDURA DISIPLINORE deri në kompletimin e lëndës. Kërkohet raport plotësues nga KF Trepça ‘89 nga Mitrovica – personi për siguri nga ajo ndeshje lidhur me rastin. Afati datë 03.08.2020 (Rregullorja disiplinore neni 32 paragrafi 1).
KËSHILLA JURIDIKE
Pala e pakënaqur në këto vendime ka të drejtë ankese drejtuar komisionit disiplinor të shkallës së dytë – komisionit për ankesa në afatin kohor prej ; 8 ( tetë ) ditëve nga data e sjelljes së vendimit- respektivisht publikimit të tij në faqen zyrtare të Federatës së Futbollit të Kosovës. Ankesa e ushtruar nga ana e palës së ankimuar nuk e ndalon ekzekutimin e vendimit.
Prishtinë, datë 28.07.2020
Komisioni disiplinor, shkalla e parë,
kryetari; Dukagjin Zefi