Komisioni disiplinor i shkallës së parë në përbërje; Met Çeku – kryetar dhe Avni Shala, Luan Salihu, Dukagjin Zefi dhe Bekim Behrami anëtarë, në mbledhjen e mbajtur me datë 14.10.2020 , ditë e mërkurë ora 12,00, shqyrtoi procedurat e iniciuara disiplinore nga ana e komisioneve të garave pas përfundimit të ndeshjeve nga java e fundit të zhvilluara me datë; 10-11.10.2020 dhe për të njëjtat duke iu referuar raporteve zyrtare, konform Dispozitave të Rregullores disiplinore sjelli këto;
V E N D I M E
KF 2 KORRIKU nga Prishtina në procedurë të iniciuar disiplinore nga ana e Komisionit të Garave, për lëshime në organizimin e ndeshjes së javës së IV-të të Ligës së Parë të Kosovës në futboll për kategorinë e seniorëve; 2 KORRIKU – VITIA, e zhvilluar me datë 10.10.2020 në stadiumin e 2 Korriku në Arbëri- Prishtinë; (raportet zyrtare; dështime në zbatimin e vendimeve; MSH, IKSHPK dhe FFK-së lidhur me masat parandaluese ndaj COVID-19, numër i tejkaluar i tifozerisë në tribuna të stadiumit). Bazuar në nenin 52 paragrafi 1 pika të Rregullores disiplinore ; DENOHET me shqiptimin e masës disiplinore ; VEREJTJE E FUNDIT
KF KIKA nga Hogoshti në procedurë të iniciuar disiplinore nga ana e Komisionit të Garave, për lëshime në organizimin e ndeshjes së javës së IV-të , të Ligës së Parë të Kosovës në futboll për kategorinë e seniorëve grupi B; KIKA – ULPIANA e zhvilluar me datë 11.10.2020 në stadiumin e qytetit në Kamenicë; (raportet zyrtare; dështim në zbatimin e vendimeve të MSH,IKSHPK dhe FFK-së lidhur me parandalimin e masave anti COVID-19, numër i tejkaluar i spektatorëve në shkallët e stadiumit). Bazuar në nenin 52 paragrafi 1 pika a të Rregullores disiplinore; DENOHET me shqiptimin e masës disiplinore; VËREJTJE E FUNDIT.
KF DARDANA; nga Kamenica, në procedurë të iniciuar disiplinore nga ana e Komisionit të Garave, për manifestim të sjelljeve jo sportive nga ana e zyrtarëve të klubit në ndeshjen e javës së IV-të të Ligës së Parë të Kosovës në futboll për kategorinë e seniorëve grupi B; RAMIZ SADIKU – DARDANA e zhvilluar me datë 10.10.2020 në stadiumin e Ramiz Sadikut në Prishtinë; (raportet zyrtare; minuta 77 gjyqtari ndalon lojën për tre minuta deri sa largon nga tribuna zyrtaret e klubit nikoqir për shfaqje të sjelljeve josportive; sharje,dhe ofendime drejtuar zyrtarëve të ndeshjes). Bazuar në nenin 32 paragrafi 1 të Rregullores disiplinore ; I HAPET PROCEDURA DISIPLINORE deri ne kompletimin e lëndës . Kërkohet deklarata plotësuese nga klubi futbollistik Dardana nga Kamenica – zyrtari saj nga ajo ndeshje lidhur me rastin. Afati datë 19.10.2020.
VALDET ALIU; drejtor sportiv i klubit të futbollit KEK-u nga Obiliqi, në procedurë të inicuar disiplinore nga ana e komisionit të garave, për ndëshkim me karton të kuq në ndeshjen e javës së IV-të të Ligës së Parë të Kosovës në futboll për kategorinë e seniorëve ; FLAMURTARI – KEKU – u , e zhvilluar me datë 11.10.2020 në stadiumin e Flamurtarit në Prishtinë ; ( raportet zyrtare ; ofendime drejtuar asistentit të parë Benon Këpuska ). Bazuar në nenin 40 paragrafi 1 pika d : DENOHET me 2 ( dy ) ndeshje ndalesë në kryerjen e detyrave zyrtare në klub lidhur me aktivitetet sportive të organizuara nga ana e Federatës së Futbollit të Kosovës
FLORIAN GAXHERRI ; lojtar i klubit të futbollit GJAKOVA nga Gjakova me numër të ID kartelës ; 005263M98 dhe licencuar në Federatën e Futbollit të Kosovës me numër të fanelës sportive 10, në procedurë të inicuar disiplinore nga ana e komisionit të garave, për ndëshkim me karton të kuq në ndeshjën e javës së tretë të Ligës së dytë të Kosovës në futboll për kategorinë e seniorëve ; GJAKOVA – RAHOVECI e zhvilluar me datë 07.10.2020 në Gjakovë . ( raportet zyrtare ; fyerje ndaj gjyqtarit kryesor të takimit ). Bazuar në nenin 42 pika 1/c të Rregullores disiplinore ; DENOHET me ndalesë loje për ; 3 ( tri ) ndeshje zyrtare sipas radhës të organizuara nga ana e Federatës së Futbollit të Kosovës.
AFRIM VISOKA ; trajner i klubit të futbollit KEK-u nga Obiliqi, me numër të ID kartelës; 013111M78 , në procedurë të inicuar disiplinore nga ana e komisionit të garave , për ndëshkim me karton të kuq në ndeshjen e javës së katërt të Superligës së Kosovës në futboll për kategorinë e juniorëve; BALLKANI – KEK-u e zhvilluar në stadiumin e qytetit në Suharekë. (raportet zyrtare; sjellje josportive ndaj gjyqtarit kryesor të takimit; fyerje, ofendime dhe sharje). Bazuar në nenin 42 pika 1/d të Rregullores disiplinore ; DENOHET ; me ; 2 (dy ) ndeshje ndalesë sipas radhës në kryerjen e detyrës së trajnerit në klub dhe funksioneve tjera lidhur me ndeshjet zyrtare të organizuara nga ana e Federatës së Futbollit të Kosovës.
ORGES CERMJANI; lojtar i klubit të futbollit VËLLAZNIMI nga Gjakova me numër të ID kartelës; 020845M04 dhe licencuar në Federatën e Futbollit të Kosovës me numër të fanellës sportive 14, në procedurë të iniciuar disiplinore nga ana e komisionit të garave për ndëshkim me karton të kuq në ndeshjen e javës së katërt të Superligës së Kosovës në futboll për kategorinë e juniorëve; DRENICA – VËLLAZNIMI e zhvilluar në stadiumin Bajram Aliu në Skenderaj. ( raportet zyrtare; manifestim i sjelljeve josportive ndaj gjyqtarit kryesor të ndeshjes ). Bazuar në nenin 42 pika 1/c të Rregullores disiplinore ; DENOHET me ndalesë loje për 3 ( tri ) ndeshje zyrtare sipas radhës të organizuara nga ana e Federatës së Futbollit të Kosovës.
ILIJA IVIQ; lojtar i klubit të futbollit FLAMURTARI nga Prishtina me numër të ID kartelës 010292M03 dhe licencuar në Federatën e Futbollit të Kosovës me numër të fanellës 5, në procedurë të iniciuar disiplinore nga ana e komisionit të garave, për ndëshkim me karton të kuq në ndeshjën e javës së tretë të Superligës së Kosovës në futboll për kategorinë e juniorëve ; FLAMURTARI – FERIZAJ e zhvilluar në stadiumin e Flamurtarit në Prishtinë . ( raportet zyrtare; ndërhyrje e pa lejuar në lojtarin kundërshtar si lojtar fundor ). Bazuar në nenin 39 paragrafi 3 të Rregullores disiplinore ; DENOHET me ndalesë loje për 2 ( dy ) ndeshje zyrtare sipas radhës të organizuara nga ana e Federatës së Futbollit të Kosovës.
KRESHNIK MEHMETI ; lojtar i klubit të futbollit VUSHTRRIA nga Vushtrria me numër të ID kartelës ; 00577M02 dhe licencuar në Federatën e Futbollit të Kosovës me numër 17 të fanellës sportive , në procedurë të iniciuar disiplinore nga ana e komisionit të garave , për ndëshkim me karton të kuq në ndeshjen e javës së tretë të Superligës së Kosovës në futboll për kategorinë e juniorëve; FERONIKELI – VUSHTRRIA e zhvilluar në Drenas. ( raportet zyrtare; fyerje, ofendime dhe kacafytje me kundërshtarin ). Bazuar në nenin 40 paragrafi 1 pika d të Rregullores disiplinore ; DENOHET me ndalesë loje për ; 3 ( tri ) ndeshje zyrtare sipas radhës të organizuara nga ana e Federatës së Futbollit të Kosovës.
KËSHILLA JURIDIKE;
Pala e pa kënaqur në këto vendime ka të drejtë ankese drejtuar komisionit disiplinor të shkallës së dytë – komisionit për ankesa në afatin kohor prej 8 ( tetë ) ditëve , nga data e sjelljes së këtij vendimi – respektivisht nga dita e publikimit të tij në faqen zyrtare të Federatës së Futbollit të Kosovës. Ankesa e ushtruar nga ana e palës së ankimuar nuk e ndalon ekzekutimin e vendimit.
PS; Pas shtimit të rasteve të reja ditëve të fundit në Kosovë me COVID 19 , Komisioni disiplinor kërkon nga klubet e futbollit – organizatore të ndeshjeve zyrtare që të rrisin kujdesin në zbatimin e masave në luftë kundër përhapjes së koronavirusit, duke zbatuar vendimet e MSH, IKSHPK dhe FFK-së në respektimin e numrit të lejuar të spektatorëve në shkallët e stadiumeve. Për mos zbatimin e këtyre masave konform vendimeve të lartshënuara ndaj klubeve organizatore të ndeshjeve do të këtë zero tolerance.
Prishtinë, 14.10.2020
Komisioni disiplinor- shkalla e parë,
Kryetari Met Çeku