Komisioni disiplinor i shkallës së parë në përbërje; Met Çeku – kryetar dhe Dukagjin Zefi, Luan Salihu Avni Shala dhe Bekim Behrami në mbledhjen e mbajtur me datë 16.10.2020,shqyrtoi procedurat e iniciuara disiplinore nga ana e Komisionit të Garave pas përfundimit të ndeshjes së mbetur nga java e dytë e Superligës së Kosovës në futboll për kategorinë e seniorëve; DRITA – TREPÇA 89 e zhvilluar me datë 14.10.2020 në stadiumin e qytetit në Gjilan, dhe për të njëjtën duke iu referuar raporteve zyrtare konform Dispozitave të Rregullores disiplinore sjelli këto;
V E N D I M E
FC DRITA ; nga Gjilani në procedurë të iniciuar disiplinore nga ana e Komisionit të Garave për lëshime në organizimin e ndeshjes së mbetur nga java e dytë e Superligës së Kosovës në futboll për kategorinë e seniorëve; DRITA – TREPÇA 89 e zhvilluar me datë 14.10.2020 në stadiumin e qytetit në Gjilan. (raportet e zyrtarit; gjatë zhvillimit të ndeshjes është lejuar të punohet brenda rrethojës së stadiumit me makina të rënda). Bazuar në nenin 52 paragrafi 1 pika 1 të Rregullores disiplinore ; i shqiptohet masa disiplinore; VËREJTJE E FUNDIT.
KF TREPÇA 89 ; nga Mitrovica në procedurë të iniciuar disiplinore nga ana e Komisionit të Garave, për mungesë të prezencës së mjekut të klubit (prezent ishte vetëm fizioterapeuti) në ndeshjen e mbetur të javës së dytë të Superligës së Kosovës në futboll për kategorinë e seniorëve; DRITA – TREPÇA ‘89 e zhvilluar me datë 14.10.2020 në stadiumin e qytetit në Gjilan. Bazuar në dispozitat e Rregullores disiplinore të nenit 8 pika 4 i shqiptohet masa disiplinore; VËREJTJE E FUNDIT.
KËSHILLA JURIDIKE
Pala e pakënaqur në këto vendime ka të drejtë ankese drejtuar komisionit disiplinor të shkallës së dytë , komisionit për ankesa në afatin kohor prej 8 (tetë) ditëve nga data e sjelljes së këtij vendimi, respektivisht publikimit të tij në faqen zyrtare të Federatës së Futbollit të Kosovës. Ankesa e ushtruar nga ana e palës së ankimuar nuk e ndalon ekzekutimin e vendimit.
Prishtinë, datë 16.10.2020
Komisioni disiplinor; shkalla e parë,
Kryetari Met Çeku