Komisioni Disiplinor i shkallës së parë, në mbledhjen e vet të mbajtur më datë 05.04.2016, shqyrtoi procedurat e inicuara disiplinore nga ana e Komesarit të Garave pas përfundimit të ndeshjeve nga java e fundit dhe për të njëjtat duke iu referuar raporteve të zyrtarëve dhe deklaratave plotësuese nga të padisiplinuarit, konform Dispozitave të Rregullores disiplinore mori këto:
V E N D I M E
ALBAN MUQIQI ; lojtar (portier ) i klubit të futbollit “ Prishtina “ nga Prishtina me numër të librezës sportive 9053 dhe licencuar në Federatën e Futbollit të Kosovës me numër 1, në procedurë të inicuar nga ana e Komesarit të Garave për ndëshkim me karton të kuq (manifestim të sjelljeve josportive – ofendime dhe sharje asistentit të ndeshjes Driton Preniqi) në ndeshjen e javës së 23-të të Raiffeisen Superligës së Kosovës në futboll për kategorinë e senioreve GJILANI – PRISHTINA, e zhvilluar në stadiumin e qytetit në Gjilan (raportet e zyrtarëve dhe deklarata plotësuese e lojtarit të përjashtuar)
DENOHET
Me ndalesë loje për 2 (dy) ndeshje zyrtare sipas radhës të organizuara nga ana e Federatës së Futbollit të Kosovës në bazë të Rregullores disiplinore neni 38 paragrafi 3.
RIZVAN JETULLAHU; kryetrajner në klubin e futbollit “ Vushtrria “ nga Vushtrria, i licencuar në Federatën e Futbollit me numer 0286, në procedurë të inicuar disiplinore nga ana e Komesarit të Garave për largim nga pankina e lojtarëve rezervë – manifestim të sjelljeve jo sportive (reagime të pahijshme në vendimet e gjyqtarit kryesor) gjatë ndeshjes së javës së 23-të të Raiffeisen Superligës së Kosovës në futboll për kategorinë e senioreve; BESA – VUSHTRRIA, e zhvilluar në stadiumin “Shahin Haxhiislami”, në qytetin e Pejës (raportet e zyrtarëve dhe deklarata e kryetrajnerit të përjashtuar);
DENOHET
Me shqiptimin e masës disiplinore të QORTIMIT, në bazë të Rregullores disiplinore neni 39 paragrafi 1 pika 2.
ARDIAN GJOKLAJ ; lojtar i klubit të futbollit “Luftëtari” nga Brekoci me numër të librezës sportive 1061/10 dhe licencuar në Federatën e Futbollit të Kosovës me numër 3, në procedurë të inicuar nga ana e Komesarit të Garave, për ndëshkim me karton të kuq në ndeshjen e javës së 20-të të Ligës së parë të Kosovës në futboll për kategorinë e senioreve; Kosova – Luftëtari, e zhvilluar në Bernicë të Prishtinës (raportet e zyrtarëve dhe deklarata plotësuese e lojtarit të përjashtuar)
DENOHET
Me ndalesë loje për 2 (dy) ndeshje zyrtare sipas radhës të organizuara nga ana e Federatës së Futbollit të Kosovës në bazë të Rregullores disiplinore neni 38 paragrafi 3.
RIZVAN OSMANI; zyrtar në klubin e futbollit “Flamurtari“ nga Prishtina në procedurë të inicuar disiplinore nga ana e Komesarit të Garave për manifestim të sjelljeve josportive (fyerje dhe sharje drejtuar asistentit) në ndeshjen e javës së 20-të të Ligës së parë të Kosovës në futboll për kategorinë e senioreve Flamurtari – Ferizaj e zhvilluar në Prishtinë, në mungesë të raporteve i
HAPET PROCEDURA DISIPLINORE
Deri në kompletimin e lëndës (vendimin përfundimtar të komisionit) kërkohet deklarata plotësuese nga Rizvan Osmani, afati datë 07.04.2016 (Rregullorja disiplinore neni 31 )
JUSUF TORTOSHI; kryetrajner në klubin e futbollit “Flamurtari“ nga Prishtina me numër të licencës 95, në procedurë të inicuar disiplinore nga ana e Komesarit të Garave për manifestim të sjelljeve jo të mira (largim nga pankina) gjatë ndeshjes së javës së 20-të të Ligës së parë të Kosovës në futboll për kategorinë e senioreve; Flamurtari – Ferizaj, e zhvilluar në Prishtinë (raportet e zyrtarëve të takimit dhe deklarata plotësuese)
DENOHET
Me shqiptimin e masës disiplinore të QORTIMIT, në bazë të Rregullores disiplinore neni 39 paragrafi 1 pika 2.
KËSHILLA JURIDIKE :
Pala e pakënaqur në këto vendime ka të drejtë ankese drejtuar komisionit të shkallës së dytë – komisionit për ankesa në afatin kohor prej 8 (tetë) ditëve nga data e publikimit të këtij vendimi në Buletinin Zyrtar të Federatës së Futbollit të Kosovës, datë 05.04.2016, respektivisht nga data e pranimit. Ankesa e ushtruar nga ana e palës së ankimuar nuk e ndalon ekzekutimin e vendimit.
Prishtinë, datë 05.04.2016 Kryetari, DUKAGJIN ZEFI d.v.